تصاعدت الأزمة بين الإعلامية ريهام سعيد ودكتور التجميل اللبناني نادر صعب، بعد اتهامها له بتشويه وجهها من خلال فيديو نشرته عبر حسابها الانستجرام توضح فيه الخياطات والتشوهات بوجهها.
وتوعد الدكتور نادر صعب بحبس ريهام سعيد بعد تشويه سمعته بسبب عملية التجميلة التي أجرتها في لبنان، وقال: 'أنا هقاضيها هيا متعودة على التريند وهقدم شكوى ضدها بالحبس ، زي ما اتحبست قبل كدة بتشويه سمعة فتاة المول'.
وعن تفاصيل العملية التي أجرتها ريهام سعيد، قال الدكتور نادر صعب في تصريحات لـ أهل مصر: 'ريهام كانت عندي في العيادة في شهر مارس الماضي، وكانت جيالي وشهها كله مشوهة ومليان عيوب، وأنا عملت العملية وطبيعي يكون في خياطات وجروح بعد العملية، هيا اصلا كانت جيالي مشوهه، شلنا ذوائد كثيرة بحكم السن والتجاعيد التي كانت تظهر بجانب عينها، وازاي بتطلع في التلفزيون كل الفترة الي فاتت وهيا متشوهة كدة؟'.
وكشفت الإعلامية ريهام سعيد، من خلال فيديو عن أزمتها مع أحد أطباء التجميل في مصر حيث قالت: ''أنا كنت زي القمر، يدوب كل الفيلر اللي في وشي عشان يبين إني كنت مكرمشة، طيب أنا كنت مكرمشة وأنت شوهتني''.
أزمة ريهام سعيد مع دكتور التجميل
وتابعت من خلال فيديو عبر صفحتها الرسمية على موقع تبادل الصور والفيدبوهات ''إنستجرام': ''عايزة أقول حاجة بس أخيرة إن الدكتور بيقول اللي حصل دا نتيجة عمليات التجميل الكثيرة قبل كدا، هو لما خرج من غرفة العمليات الواضح إنه كان عارف النتيجة بس مقلش هو سعيد بالنتيجة دي''.
القصة الكاملة لاتهام ريهام سعيد لطبيب
وأكملت: ''الأستاذ مش هقول عليه الدكتور بيقول إني عملت عمليات تجميل كتير قبل كدا، أنا عملت عملية تجميل واحدة من عشر سنين، عملية لما كنت مليانة وخسيت فكان عندي ترهلات في وشي، وكانت العملية عند دكتور إدوارد عبد النور، وصورت بعدها مسلسل قلوب''.
وأردفت: ''أنا ممكن اللي ضيعني إن الدكتور بتاعي مات بفيروس كورونا في بيروت، وكان دكتور محترم وعلامة، الدكتور دا مصورني وأنا في التخدير بعين مفتوحة وعين مقفولة، وبيقولي عنيكي دي مش بتقفل أي حد بيتخدر عينه مش بتقفل، وممكن وأنا نايمة أخلي ولادي يصوروني، وأنشر الصورة دي أنا بغمض عادي''.
وأتمت بالقول: ''عشان شيلت فيلر أو حطيت دا ملوش أي علاقة بالعمليات دي، زي مابيقول لأنه أصلا إحنا متفقين إنه ميلمسش عنيا''.
تابعوا آخر أهل مصر على Google News
