ريهام سعيد بعد تشويهها: وشي مش هيرجع زي الأول

نشرت الإعلامية ريهام سعيد، مقطع فيديو جديد عبر حسابها الرسمي على موقع التواصل الاجتماعي «إنستجرام»، تكشف فيه عن تفاصيل جديدة في واقعة اتهامها لطبيب تجميل لبناني بتشويه وجهها.

ريهام سعيد

وقالت ريهام سعيد في الفيديو: «عندي نداء الى الشعب اللبنانية، رسالة بسيطة جدا أنا قضيت تلت أربع حياتي في بيروت كل ذكرياتي وكل حاجه حلوة حصلت لي كانت في بيروت ولما يكون فيه عندهم حاجة سيئة مينفعش السيئة تعم، كان عندنا دكتور عمل خطأ طبي لإحدى الشهيرات واتحكم عليه بالسجن».

وتابعت: «القانون قانون والأذية أكيد محدش بيرضى عنها والحق مش بيروح وانتوا اللي علمتونا الكلمة دي أنا مش معايا نفوذ ولا فلوس ولا علاقات، بس معايا حق فأنا أرجو الشعب اللبناني يقف معايا والناس تقف مع الحق».

‏‎تمت مشاركة منشور بواسطة ‏‎Reham Said‎‏ (@‏‎rehamsaidofficial‎‏)‎‏

ماينفعش أرجع زي ما كنت

وأضافت ريهام سعيد: «أنا حد كنت جميلة وبقيت إيه، وفيه ناس تقول اعملي عملية وراجعي زي مكنتي، لا ماينفعش أرجع زي ما كنت، لأن بوقي اللي اتشد ماينفعش يرجع صغير تاني، وعنيا اللي اتشدت من الجنب مش هينفع ترجع تاني، والجلد اللي اتقص في وشي مش هينفع يرجع تاني، لكن الحق بيرجع وشي مش هيرجع بس ممكن الحق يرجع».