جونيرو يهاجم ناقدا فنيا: ليه تعمل دعاية سلبية لشغل الناس تعبانة فيه؟

انتقد الفنان الشاب محمود ياسين، الشهير بـ'جونيرو'، ناقدا فنيا لم يسمه، بسبب تقليله من قيمة الأعمال الفنية، التي من المقرر عرضها في سباق مسلسلات رمضان 2024.

وكتب محمود ياسين عبر حسابه على فيسبوك: 'في صاحب محتوى على السوشيال ميديا، يعتبر ناقدا، واللي بالمناسبة لما باسمع نقده في برنامج أو حاجه بيبقى إلى حد ما موضوعي ومنطقي'.

وتابع: 'لكن باعتب عليه في حاجة أنا متفهم أن المحتوى بتاعه ساخر، لكن مينفعش تكون بتصنف نفسك كناقد، وتعمل فيديوهات كلها سخرية، وحكم مسبق على أعمال رمضان من خلال البرومو بس، لأن الناس دي بتتعب جدا، وبتستني رد الفعل اللي يكون مناسب للجهد بتاعهم، فعلى الأقل استنى الشغل ينزل قبل ما تحكم وتعمل دعاية سلبية لشغل ناس تعبانة فيه بقالها شهور'.