بيومي فؤاد يبكي أمام صورة الفنان محمد سلام ويوجه رسالة إليه

وجه الفنان بيومي فؤاد رسالة إلى الفنان محمد سلام، بعد عرض صورة له ببرنامج "حبر سري"، مع الإعلامية أسما إبراهيم، على قناة القاهرة والناس.

وبكى بيومي فؤاد قائلا: "ربنا معاك.. ولو هسأله هقوله إزاي متطلعتش تدافع عني، وعن محمد أنور، وهو ترشيحك وحقك عند ربنا".

وأضاف: "أنا صدقتك جدا في الفيديو وأنت قلت في الفيديو بتاعك لا نفاق ولا رياء، وأنا قلت وجهة نظري العبيطة عشان أنا راجل طيب مكنتش هتخسر حاجة لو طلعت تقول أنا مقدرش أروح، ومش معنى أن محمد أنور قدر وراح يحصل معاه كدا يا جماعة، خصوصا أنك طلعت دافعت عن أمير كرارة لما طلعت شائعة أنه مشاك من المسلسل بتاعه".

وتابع: "وطلعت دافعت عن أحمد الجنايني ليه مطلعتش تدافع عن محمد أنور مش عني، أنا كنت كل يوم بسأل قبل وبعد الفيديو، ودا اللي كنت مستنيه منك، ورزقك على الله والعمر واحد والرب واحد، لكل اللي شتموا وكل اللي فهمني غلط، أنا غلط بس راجل، واطلع في كل برنامج أقول كدا".