حلت الفنانة يسرا ضيفة على برنامج Big Time، الذي يقدمه الإعلامي عمرو أديب، وروت خلال لقائها قصة معجب طلبها للزواج في لقائهما الأول، داخل مستشفى الخانكة.
قالت يسرا: كان هناك شاب مصري، يعمل قبطانا بحريا، ويتحدث 7 لغات، واعتاد أن يكتب لها خطابات بدمه، لقب بمجنون يسرا، وكان يتباهى بهذا، ساءت حالته العقلية حتى تم إيداعه في مستشفى الخانكة.
أبرز تصريحات يسرا مع عمرو أديب
وأكدت يسرا: أنها زارته داخل مستشفى الخانكة، لتكون المرة الأولى التي يلتقيها فيها وجها لوجه، وهناك، طلبها للزواج، قائلة: ينفع أتجوزك من غير ما آخد رأي بابا.
وقالت يسرا: لما بتحب حاجة بتعملها بقلب وضمير وجهد غير عادي، فلازم يكون في تقدير، ولما تحس إن التقدير مش موجود بتحزن على مجهودك، وفي مرات أقول مش عايزة أكون موجودة دلوقتي، وبسافر علشان مش حاسة إني مرتاحة.
وأضافت يسرا: فيلم ليلة العيد، موضوع مهم وحلو واتأخر سنتين، حبيت أعمل كوميدي وكانت تجربة إني أشيل كوميدي لوحدي خطر لأني مش ممثلة كوميدي، أنا عايزة اللي حواليا يسندوني، وفرحانة إني عملت التجربة دي لأني حسيت بإنجاز، وروحت في سكة مش بتاعتي ونجحت فيها.
يسرا: أنا وعادل إمام عملنا 17 فيلم كوميدي
واستكملت يسرا: أنا وعادل إمام عملنا 17 فيلم كوميدي، بس الأفلام كانت ليها مواضيع، مكنش ليا دعوة كان ممكن يحطوني في موقف كوميدي ويكون هو اللي عمل الموقف الكوميدي مش أنا.
قالت يسرا: أول قصة حب في حياتي كانت في المدرسة، وكنت بحب ولد كنت أكبر منه، واكتشفت بعد ما اتجوزت خالد جوزي أنه قريبه قلتلهم الله أنا كنت واخدة العيلة، وفعلا جه طلب أيدي وكان عمري 15 سنة، وبابا رفضه واتقهرت، وهو اتجوز وهاجر أمريكا.
تابعت يسرا: أكبر حب في حياتي هو خالد، لأن علاقتي بيه مبقتش زوج وزوجة بس، بقينا أصحاب وضهر وسند لبعض، ومفيش حاجة تخلينا نكمل إلا لو كنا بنحب بعض لأن معندناش أولاد ولا مسئوليات عشان نضطر نكون مع بعض.
تابعوا آخر أهل مصر على Google News
