اعلان

مطرب المهرجانات مسلم: «غنيت «يا أصفر» لـ حوده بندق عشان استفزني»

مسلم
مسلم
كتب : منة حسين

علق مطرب المهرجانات مسلم على مقارنته بنجوم الغناء ومطربي المهرجانات قائلا: 'أغنية يا أصفر كانت من وحي خيالي وكان فيه مشكلة ساعتها معاديا ، وهي -سبحان الله- نجحت، وغنتها لواحد كان صديقي جدا، ودلوقتي حبيبي وبموت فيه، وهو جودة بندق، وهو دلوقتى أخويا، كانت مشكلة وأحنا صغيرين وهو طالع من قبلي وهو محترم ومن الناس اللي شقيت ولما اشتهرنا مع بعض حصلت لنا عينا بعدتنا عن بعض، فا استفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كثير زي أغنية خطر جابه 140 مليونا وعاملي البوم مكسر مصر'.

وقال مسلم، خلال استضافته ببرنامج 'أسرار' مع الإعلامية أميرة بدر المذاع على قناة النهار: 'المقارنة بيني وبين عصام قصاصا وجودة بندق، كل واحد ناجح في حثته ، ومش شايف نفسي مع دول، مش معنى كده انهم وحشين، وصنعت حتة ليا، انا مش شايف منافس ليا، ولما بغني مع اي حد، بحط حتتي، ودي أجمل حاجة بعملها، مش عايز انافس غير نفسي، والطمع في البنى آدم، وفيه أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايما، نفسي اتميز زي سعد لمجرد، لأنه سكتي، وعمرو دياب مش محتاج حد يقلده لأن صوته عادي، ومش قوي صوتيا، لكن تسمعه تحبه، اما انا الاتنين، لو ربنا كرمني ووقفت قدامه هنشوف الحتة دي، لأن هيبقى رأي الناس، وأنا 23 سنة وعامل كده ما بالك لو 30 سنة هوصل لفين'.

برنامج 'أسرار' تقدمه الإعلامية أميرة بدر على شاشة النهار يوميا خلال شهر رمضان، في الساعة التاسعة والنصف مساء، تستضيف من خلاله عدد من نجوم الفن والرياضة والسياسة في مصر.

WhatsApp
Telegram
إقرأ أيضاً
عاجل
عاجل
تأجيل محاكمة حسين الشحات بتهمة ضرب لاعب بيراميدز لـ 9 مايو