الناس مش متفقة على ربنا.. ريهام حجاج ترد على منتقدي مسلسل صدفة

خرجت الفنانة ريهام حجاج، عن صمتها لتعلق على الانتقادات التي طالت مسلسلها الأخير، صدفة، الذي عُرض في الموسم الرمضاني السابق 2024، وشاركها البطولة فيه خالد الصاوي.

مش كل الناس صح

ردت ريهام على الهجوم من البعض على مسلسلها الرمضاني صدفه خلال مداخلتها مع الإعلامية لبنى عسل، في برنامج «الحياة اليوم»، عبر فضائية «الحياة»: «ربنا سبحانه وتعالى مش كل الناس اتفقت عليه، فمش كل الناس صح ومش كل الناس نظرتها للأمور زي بعض».

حتى ربنا الناس مش متفقين عليه.

وقالت ريهام: «مبسوطة بحالة الجدل الكتيرة دي، لأنه صدفة شخصية مش هتقابلها كل يوم، وعندنا رسالة عايزين نوصلها للناس إن صدفة شخص غير سوي بسبب نشأتها، وإحنا كنا عايزين نقول للناس مترموش عيالكم، لأن لما ترموا عيالكم يا هيطلع طفل عنده اضطراب نفسي زي صدفة يا حد مش طبيعي، وواحد مبيعرفش يفكر كويس، وديمًا أفعاله غلط ومش بيعرف يحل المشاكل، ومعندوش توازن حتى في لغة الجسد والكلام».

‏‎تمت مشاركة منشور بواسطة ‏‎AlHayah TV Network‎‏ (@‏‎alhayah1tv‎‏)‎‏

وتابعت: «وكان فيه رسالة مهمة برضه أن أنت مينفعش تختار تربي مين ومتربيش مين من أولادك، فكنا عايزين نقدم رسالة للناس أنه نربي ولادنا».

وأضافت: «أنا مخفتش من الدور وتحمست جدًا ليه، وكنت مبسوطة أوي، ومستمتعة وأنا بمثل، وفي خلاف من بعض المدرسين، وأنا حابة أقول حاجة، أنه إحنا مبنقدمش مهنة، إحنا بنقدم بني آدم لحم ودم، ومالهوش علاقة بـ المهنة».