أميرة فراج: أنا ضد الشك في الزوج ومع متابعة سلوك الزوجة

كشفت الإعلامية الفنانة أميرة فراج، زوجة الفنان أحمد فهمي، عن رأيها في الخيانة الزوجية، وذلك في حوارها ببرنامج 'أنا وهو هي'، على قناة صدى البلد.

أنا ضد الشك في الرجل

وقالت أميرة فراج في البرنامج: «الخيانة خيانة وبتبان فيه رجالة خاينة، وجوزي فنان فالوضوع مختلف، انا ولا مع التفتيش ولا متاعبة الرجل، شايفة أن الرجل هو اللي يتابع الست، هو مش طفل ولا هيتخطف، ولما أشوف حاجة بعيني هتدخل سواء تجاوز أو أفورة، لأني بشوف ساعات كتير من ناس تانية من ستات أو معجبات فمقدرش الومه».

وتابعت: «احنا في مجتمع الرجل فيه فاهم أنه عشان يبقى رجل لازم يبقى متعدد العلاقات، وأنا أكيد بغير عليه مهو جوزي بس بحدود».

وتابعت أميرة فراج:'أول ما اتجوزت أحمد أنا معرفتوش كفنان، لكن كان انسان عادي بيعزف ومزيكا وحالم، فجأة ابتدأ يغني ويمثل فخلاص كبرنا مع بعض، وأنا فاهمة أن ده شغله وهو فاهم أن ده شغلي، فهي علاقة والاتنين لأزم يحافظوا على بعض'.