20 جنيها.. نادين حمامة: عمتو كانت أكتر واحدة بتديني عيدية

تحدثت الكاتبة الصحفية نادين حمامة، عن كواليس علاقتها بعمتها الفنانة الراحلة فاتن حمامة، سيدة الشاشة العربية.

وقالت نادين حمامة في حوارها ببرنامج أنا هو وهي، المذاع على قناة صدى البلد: 'كنت البريمو في العيلة، واحنا أطفال كنا بناخد عشرين جنيها عيدية، زي الألفين جنيه دلوقتي، وكنا بنقول طنط فاتن اديتنا 20 جنيها، أكتر واحدة في العيلة كانت بتدينا عيدية كبيرة وكنا بننبسط جدا جدا بيها'.

وتابعت نادين حمامة عن فاتن حمامة: 'على طول كان فيه تجمعات عائلية بطرق مختلفة في المناسبات كلها، سواء بمناسبة أو بدون، كنا نجتمع في المناسبات العائلية، وكانت حريصة أنها تجمع كل العيلة سواء عندها، أو عند جدتي، اللي في الآخر مكنتش بتقدر تتحرك كتير، وأي مناسبة كانت بتيجي مخصوص لجدتي عشان تسلم عليها، وكانت حريصة على حضور كل التجمعات والاحتفالات'.