الشاب المصفوع من رمضان ردا على اعتذاره: ايدي اليمين مرزبة

أعلن الشاب كريم شلبي، قبوله اعتذار الفنان محمد رمضان، مؤخرا بعدما صفعه بالقلم في الواقعة الشهيرة التي وقعت في مراسي منذ أيام قليلة.

ايدي اليمين مرزبة

وقال كريم شلبي في مقطع فيديو نشره عبر منصة «تيكتوك»: «شكرا لكل واحد وقف معايا بكلمة حلوة أو اتصال، لما اتكلمت اعترفت بخطئي لأن الاعتراف بالحق فضيلة ومطلعتش اتكلمت في اي قناة أو فيديو، لان أنا مش زي ما بيقولوا طالع أركب ترند الحمد لله شبعان بحب الناس والفلوس وكل حاجة وعيني مليانة من صغري فمش محتاج أطلع عشان حاجة معينة».

وتابع قائلا لمحمد رمضان: «اعتذارك على راسي من فوق بس حابب اتكلم في كم نقطة بسيطة، في الفيديو بتاعك من غير كلام كتير فيه ناس بتتولد صغيرة وتكبر وفيه ناس بتتولد صغيرة وبتفضل صغيرة، والواحد طالع عشان يتبسط مش فارقة قرية مراسي من اللوتس، بس أبقى تقل أيدك شوية وإذا كانت ايدي الشمال نموسة فايدي اليمين مرزبة، ولما روحت مكتب الأمن هناك لما كنت واخد مني التيلفون قالولي نعمل محضر قلتلهم لا العفو عند المقدرة زي ما قال النبي صلى الله عليه وسلم، وأنا دخلت بطريقة قانونية وفي الاخر لو فيه حد طالع في الحوار ده مرضي هو أنا».

وكان الفنان الفنان محمد رمضان، اعتذر للجمهور وللشاب الذي تبادل معه الصفع بالقلم في مراسي، وذلك عبر مقطع فيديو نشره على موقع تبادل الصور والفيديوهات الشهير إنستجرام.

وقال محمد رمضان في الفيديو: «جمهوري العدل العزيز والأصيل والغالي، ألف شكر وربنا ميحرمنيش منكم، أنا قرأت وسمعت قد إيه دافعتم عني وغلطتم الولد الصغير».

وأضاف محمد رمضان: «أنا عامل الفيديو دا عشان أعتذر لأهل الولد الصغير، إن إيدي اتمدت عليه، وأنا عارف إن هو عيل صغير، ولما غلط أول مرة وشيلتله الكاب من على راسه، ولاقيته عيل صغير وقولتله اسمك إيه يا حبيبي».

وأكمل رمضان حديثه: «لما غلط تاني متمالكتش نفسي، وضربته قلم صغير خلى الكاب يطير من على راسه والتليفون خدته ومسحتله الفيديو، ولو هنعتبر الناموسة وقفت على خدي قلم أنا أستاهل من الناموسة خمسة، لأن أنا مدت إيدي على عيل صغير».

وواصل محد رمضان: «ودي لا بطولة ولا رجولة، وحد قالي أكسرله التليفون لكن قولتله لأ هو غلط أهله ذنبهم إيه يغرموا تليفون تاني، ودي الغلطة اللي أنا طالع أعتذر عنها».

وتابع رمضان: «أنا عرفت إن هو من قرية تانية اسمها اللوتس وجاي يتفسح في مراسي، والأمن كانوا هايعملوله محضر لأنه من قرية تانية لكن أنا قولتلهم يروحوه».