دنيا المصري لـ يارا أحمد: الحسد عمل كتير في حياتي.. ومش برفض الإغراء

تحدثت الفنانة دنيا المصري عن تأثير الحسد في حياتها، بجانب رأيها في أجور الفنانين وأداء أدوار الإغراء.

دنيا المصري ومعاناتها مع الحسد

وقالت دنيا المصري، خلال حوارها مع الإعلامية، يارا أحمد، في برنامج نجمك مع يارا، المذاع عبر شاشة قناة هي: 'الحسد عمل حاجات كتير في حياتي، والأول كنت بركز في الحاجة بتيجي، فأنا بطلت أركز وبتوكل على الله في كل حاجة بعملها في حياتي'.

وتابعت دنيا المصري، عن حقيقة أجور الفنانين، قائلة: 'الفنان بني آدم عادي، إحنا بنشتغل ونروح بيتنا نطبخ ونربي ولادنا زي أي حد، مش كل الفنانين معاهم ملايين، في ناس شغالة العمل بعمله'.

وعن رأيها في أدوار الإغراء، قالت دنيا المصري: 'مبرفضش أدوار الإغراء، والإغراء بالنسبة ليا مش أني أطلع أعمل إغراء، طيب ما شخصية سميحة في مسلسل حق عرب كان فيه إغراء، الجمهور حس بيه؟ فمش شرط أطلع أعمل حاجات فزة.

كما كشفت دنيا المصري، عن الفنان التي تتمنى التعاون معه خلال الفترة المقبلة، فقال: نفسي أوي أمثل مع كريم عبد العزيز، حاسة أني لو اشتغلت معاه هنور أوي أوي، أنا بكتشف في نفسي حاجات غريبة جدًا، لما عملت الاختيار كنت عارفة أني بمثل مع مجموعة كبيرة من نجوم كبار، والاختيار فرق في حياتي جدًا، وده بقى الدور اللي تعبني نفسيًا وأثرت فيا من جوا وكنت طول الوقت بعيط، وهي شخصية أنا بحبها أوي ومن الشخصيات اللي أنا فخورة بيها.

أما عن سبب ابتعادها عن السينما، فعلقت دنيا المصري: أنا نفسي في حاجة كبيرة عمل كبير لنجم كبير جدًا حتى لو هعمل دور صغير، أنا عارفة أنا هعمله إزاي، المهم المخرج والنجم.

يذكر أن برنامج نجمك مع يارا يعرض يوم أربعاء من كل أسبوع في تمام الساعة 10 صباحًا، وإعادة يوم الخميس في الساعة 1 بعد منتصف الليل، والبرنامج من إعداد مروة محمد ورانيا عبد اللطيف، على شاشة قناة هي.