علق الملحن عزيز الشافعي على حذف شركة روتانا لأغنيتين طرحتمهما المطربة شيرين عبد الوهاب مؤخرا، وهما 'بتمنى انساك'، و'اللي يقابل حبيبي'، من موقع الفيديوهات يوتيوب، بسبب بلاغات خاصة بحقوق الملكية، وبسبب مشكلاتها مع شركة روتانا.
وقال عزيز الشافعي في مقطع فيديو، نشره عبر حسابه الشخصي بموقع التدوينات القصيرة إكس: 'كان لازم أطلع اتكلم عن اللي حصل إمبارح، عشان الناس تبقى عارفة بالظبط رأيي في اللي حصل، إمبارح نزلت أغنيتين من الحاني لشيرين، مبسوط جدا جدا أن الأغنيتين دول بالذات نزلوا، المشلكة عندي كنت أتمنى ينزلوا بطريقة أحسن من كدا، والناس تشوفهم وتسمعهم في يوتيوب، وكل المنصات، ونشوف النجاح بالأرقام والمشاهدات والتفاعل، شفنا دا إمبارح على تويتر، وشوية على يوتيوب قبل ما روتانا تقفل الأغاني، فدا اللي كان مضايقني'.
وتابع: 'كنت أتمنى ينزلوا بطريقة أحسن من كدا، أنا عارف شيرين عملت كدا ليه، ولغاية آخر لحظة كنا بنتكلم، وهي كانت وعدت جمهورها بأنها هتنزل الأغاني، وأصعب حاجة أن الفنان يبقى عايز ينزل ويغني ويشتغل، ويتمنع عشان ورق أو توقيعات أو وجهات نظر أو موقف قانوني، معرفعش كان إيه اللي المفروض يحصل؟!'.
وتابع: 'باسمع من محامي روتانا كلام محترم، لكن برضه بيقول مثلا إن شيرين دفعت 10 ملايين أو 8 ملايين، عشان مش شرط جزائي، لكن عشان إخلال بالعقد، وإن في كل إخلال بالعقد هتدفع 10 ملايين جنيه، يعني الأغنتين بتوع إمبارح هتدفع عليهم 20 مليون جنيه، المفروض يعني؟!، والفلوس دي مش مخصومة من الفلوس اللي خدتها شيرين، ولا العقد وقف، العقد مستمر برضه، وهي مطالبة بأنها تقدم أغاني فدا موقف صعب جدا'.
وأكمل عزيز الشافعي: 'الناحية التانية محامي شيرين هل أنت ورقك سليم، إنك تنزل أغاني وإزاي لو سليم روتانا وقفتها؟ هل روتانا عندها حق ولا لأ؟ ليه الأمور القانونية دي مبتنتهيش بشكل واضح؟!، مش معقول الاتنين محامين كبار، ويقولوا كلام عكس بعض في الموضوع، مش مشكلتنا دي، مشكلتنا إننا بنحب شيرين إحنا عندنا شيرين واحدة بس في مصر، فعايزين نسمهعا ونفرح بأغانيها'.
تابعوا آخر أهل مصر على Google News
