طه دسوقي يكشف موقفه من الحيادية وحكاية لقب "أُكرة"

تحدثت الفنان طه دسوقي عن الحيادية التي يتمتع بها في المواضيع والمواقف المختلفة التي يمر بها، وذلك عبر حسابه الشخصي بفيس بوك.

وكتب طه دسوقي: 'كان فيه شخص قابلته في مرحلة مهمة في حياتي وكان قريب مني جدا (درجة القرب اللي بثق في كلامه عني وبفترض فيه حسن النية) كان مطلع عليا وقتها اسم هزار كده (الكلام ده قديم شوية قبل ما ده يتسمى تنمر) كان مسميني أُكرة، سألته ليه قال لأني مبزعلش حد مني، وطول الوقت حيادي كده بين البينين يعني زي أكرة الباب بوصل بس من هنا لهنا'.

وتابع: 'وكل ما يشوف رأيي رايح ناحية الحيادية يقولي يا أكرة ونضحك وكده، من ساعتها وأنا دايما أحس بكسوف لما ألاقيني في موقف حيادي أو واقف في النص وأقول لنفسي بنفس النأرزة (ده أنت صحيح عيل أكرة) مع أني طول الوقت كنت كده عمري ما شجعت فريق معين، عمري ما تشددت أوي تجاه شئ في المطلق دايما متقلب والنهاردة بحب ده بكره أحب حاجة غيره '.

وأضاف طه دسوقي:'واكتشفت مع الوقت أنها مش حاجة وحشة لأن فعلا مفيش صح مطلق ومفيش غلط مطلق وكل شئ واردـ فإنك تقف في النص مش حاجة وحشة خالص والأكرة مهمة عامة لولاها مفيش ولا باب هيفتح، يلا الحمدلله'.