عبر مطرب المهرجانات عمر كمال عن استيائه من الانتقادات التي يتعرض لها دائمًا بشأن أمواله التي يتحصل عليها من الغناء والحفلات الغنائية واستخدامها في عمل الخير، مناشدًا مؤسسة الأزهر الشريف الرد عليه لحسم الأمر إذا كان الخير الذي يفعله مقبول أم لا.
قال عمر كمال خلال مقطع فيديو نشره عبر حسابه الرسمي بموقع التواصل الاجتماعي «فيس بوك»: «عمري ما عملت فيديو في الخير أو اطلع ترند في الخير وأركب عليها ومحبش أعمل كده أصلا ومقتنع أن الخير في السر ربنا بيكرم عن أضعاف أضعاف في العلن، وأظن أن ربنا كرمني عشان علاقتي بربنا كويسة».
عمر كمال: أنا تعبت نفسيًا من كلام الناس
وأضاف: «أنا تعبت نفسيًا من كلام الناس، وعايز حد من الأزهر يرد عليا، أي حاجة بعملها في حياتي يطلع حد يقول لي الله طيب لا يقبل إلا طيب، طب أنا بعمل إيه غلط؟ أنا بغني في فرح بفرح الناس، بغني في عيد ميلاد وحفلة تخرج، أنا كـ عمر كمال عمري ما في حياتي ما طلعت في فيديو وقولت بعمل خير»
وأشار: «اللي عايز حاجة لله بعملها، أنا بعمل اللي بقدر عليه، اللي بيقول لي أنت نجحت في إيه أنا شايل مسؤولية 60 فرد فرقتي واللي شغالين معايا وأهلي واللي محتاج علاج، أنت عملت إيه؟ هتقولي أصل أنت فلوسك حرام، أنا بساعد بيها، أنت بقى عملت إيه؟».
وأختتم حديثه: «أنا عايز شيخ من الأزهر يقول لي هل أنا صح ولا غلط، لو أنا غلط أبطل أعمل خير، أنا تعبت نفسيا، يارب كل واحد في المجتمع يبقى زي عمر كمال يشيل شوية من اللي عليه عشان محدش يبقى فقير».
تابعوا آخر أهل مصر على Google News
