عمر كمال يدعم مستشفى 57357: "عارف إن الدنيا مزنقة وهتبرع باللي ربنا يقدرني عليه"

حرص مطرب المهرجانات الشعبية عمر كمال، على دعم مستشفى 57357 لعلاج سرطان الأطفال، وذلك بعد تداول أنباء حول غلقها بسبب نقص التبرعات، وذلك تلبية لـ مبادرة عمرو يوسف.

مباردة الفنان عمرو يوسف

ونشر عمر كمال فيديو عبر حسابه الرسمي بموقع تبادل الصور والفيديوهات الشهير 'إنستجرام'، قال خلاله: 'أنا شوفت مباردة الفنان عمرو يوسف عن مستشفى 57357، أنا مكنتش أعرف ان المستشفى لا قدر الله ممكن تتقفل أو تفلس وميكنش عندها قدرة انها تعالج الناس، أنا عارف إن الدنيا مزنقة علينا كلنا وممكن يكون معاك فلوس وبردو الدنيا تزنق عليك'.

وأضاف: 'أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه وإن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي'.

عمر كمال

آخر أعمال عمر كمال

وكانت أخر أعمال عمر كمال أغنية 'سهرانين'، واستعان خلال الأغنية بكوبليه من أغنية 'ألف ليلة وليلة' لكوكب الشرق أم كلثوم وهو 'يلا نعيش في عيون الليل.. يلا  نعيش في عيون الليل ونقول للشمس تعالي، تعالي، تعالي، تعالي بعد سنة، مش قبل سنة تعالي، تعالي'، الأغنية من كلمات وألحان عمرو قطب، توزيع وموسيقى وسام عبد المنعم.

كلمات أغنية سهرانين

وتقول كلماتها: بقى ده إسمه كلام بقى حد يسيب القعدة الحلوة دي ويقول سلام بقى ده إسمه كلام ده احنا ما صدقنا نشوف بعض تقوم نمشي قوام ده السهرة يا دوب لسه بتبدأ والجو يا روحي عليه يخلي اللي مانمش بقاله أسبوع يسهر ما ينام تمشي تروح فين خلينا سهرانين ده الجو جميل والناس كلها صاحيين مستعجل ليه، هو احنا ورانا إيه ده الليل لسه في أوله، أوله والناس كلها صاحيين تمشي تروح فين خلينا سهرانين ده الجو جميل والناس كلها صاحيين آه مستعجل ليه، هو احنا ورانا إيه ده الليل لسه في أوله، أوله والناس كلها صاحيين لالا، لالالا مبسوطين ومفرفشين ومزاجنا مية فل ورايقين تمشي ليه ورانا إيه مع بعضنا متونسين؟ مبسوطين ومفرفشين ومزاجنا مية فل ورايقين تمشي ليه طب ورانا إيه مع بعضنا متونسين؟ ولا أشغل لك حبيبتك تنسجم وتروق معاها من زمان مزجانجي عارفك بتعشق الست وغناها يلا نعيش في عيون الليل.

أغنية فيلم خطة مازنجر

وطرح عمر كمال الأغنية الدعائية لفيلم 'خطة ماسنجر'، الأغنية تحمل اسم 'اليوم يومك'، ويشاركه الغناء الطفل مازن المصري، من كلمات منة عدلي القيعي، وألحان أحمد طارق يحيي، وتوزيع هاني محروس.

فيلم خطة مازنجر

يذكر أن فيلم 'خطة مازنجر' يشارك فيه عدد كبير من الفنانين، منهم ياسمين رئيس، وحمدى الميرغني، وبيومي فؤاد، ومحمود حافظ، وأوس أوس، وسما إبراهيم، ومحمد رضوان، وياسر الطوبجي، وعدد آخر من الفنانين، من تأليف محمد إسماعيل أمين، وإخراج رامي رزق الله.