أحمد مالك: قدمت أعمالًا لم أرض عنها.. والفنان زي لاعب الكرة

تحدث الفنان أحمد مالك عن فترة غيابه عن الساحة الفنية، نتيجة لتفانيه في ممارسة التمثيل وتحقيقه للتألق على الصعيد الدولي، مع الكشف عن كيفية استغلاله للتعليقات السلبية واستخدامها في تطوير دوره الفني في أعماله.

أحمد مالك يكشف عن سبب غيابه الفترة الأخيرة عن الساحة الفنية

وقال 'مالك' خلال تصريحات تلفزيونية له: أنا ممثل، الدور اللي هيتعرض عليا هعمله بأكثر شكل ممكن إلي أن الناس تصدقوا، الفنان زيه زي لاعيب الكرة، عندك موهبة هتشتغل عليها هتبقى أحسن، مش هتشتغل عليها عمرك ما هتتطور، زي مباراة نزلت لاعبتها، عملت أداء وحش هترجع المباراة الثانية تثبت نفسك فيها.

وأوضح، أنه لم يهتم بالتعليقات الجمهور عنه في إطار الشخصي على قدر تركيزه في أعماله، مضيفا: في حاجات مقدمتهاش بأكثر شكل أنا راضي عنها، بس ده ميخلنيش أستخبى وأقول لا مش هعملها، بالعكس ده يخليني أتعلم منها وأقدم نفسي بشكل أنا راضي عنه.

وكشف عن اختفائه لفترة بسبب انشغاله بأعماله العالمية: أنا كنت في فترة عندي حلم الاحتراف للعالمية، إني أشتغل بره مصر وحققت ده، بس أنا دلوقتي مركز أكثر في بلدي وبالأخص الظروف اللي بتحصل في العالم حاليًا بتخليك عاوز تبقى في وسط أهلك، وأنا متحمس جدًا أني أقدم أكتر شخصيات أنا أتربيت وسطها.