حنان يوسف: كان حلمي أطلع رقاصة

أوضحت الفنانة حنان يوسف أنها كانت تتمنى في بدايتها أن تحتار الرقص الشرقي، وأن تصبح راقصة استعراضية.

وأضافت حنان في برنامج "قعدة ستات" الذي تقدمه المذيعة مروة صبري: "كنت منبهرة جدًا وكنت عاوزة أطلع رقاصة مش عاوزة أطلع أي حاجة تانية.. كنت بشوف الراقصات بترقص إزاي مع المزيكا وماشيين مع المزيكا، وأغاني العوالم، العوالم الإسكندرانية."

وتابعت حنان يوسف: "كنت عاوزة أطلع عالمة رقاصة بس في الأفراح، وبعدين لما كبرت شوية قلت طب أخش باليه، وكان الباليه في القاهرة وأنا عايشة في الإسكندرية، ما ينفعش. وبعدين جت فرقة رضا إسكندرية، كنت صغيرة، قلت طب دخلوني فرقة رضا، حاضر طيب، بيسكتوني ومبيحصلش. ومعملتش حلمي، مثلت وده حاجة جميلة برضه."