وجه الفنان أحمد زاهر رسالة مؤثرة لابنته ليلى، بعد زواجها من الفنان هشام جمال، حيث أُقيم حفل الزفاف أول أمس في منطقة الأهرامات، بحضور نخبة من نجوم الفن.
ونشر أحمد زاهر مقطع فيديو عبر حسابه الرسمي بموقع الصور والفيديو "إنستجرام"، تضمن لقطات خلال رقصه مع ابنته من حفل الزفاف، على أنغام أغنية "بنت أبويا" للفنانة هنا يسري، في لفتة عاطفية عبر من خلالها عن مشاعره تجاه ابنته في هذا اليوم المميز.
وقال أحمد زاهر تعليقًا على الفيديو، الذي ظهر فيه وهو يدخل في نوبة بكاء شديدة أثناء رقصه مع ابنته ليلى في حفل زفافها:"وأنا داخل ارقص معاكي شفت وشك اللي زي القمر أجمل عروسة في الدنيا كلها بصيت في عينيكي وفجأه مر قدامي شريط ذكريات من أول لما جيتي الدنيا وأنا أول واحد شيلتك بين إيديا وشفت كل لحظة وانتي بتكبري قدام عنيا لحد اللحظة اللي احنا بنرقص فيها مع بعض وانتي عروسه زي القمر".
وأضاف :"وخلاص هاتسيبيني وتمشي مع عريسك حسيت بمشاعر كتير متناقضة ومختلفة والدموع نزلت من عيني غصب عني وحسيت إني عاوز أقولك لا متمشيش وتسيبيني وأرجع في كلامي بس في نفس الوقت أنا عارف أن دي أجمل لحظة في حياتك إنك اخترتي اللي بتحبيه وبيحبك".
وتابع :"بصراحة اخترتي صح راجل ومحترم وبيحبك وبيقدرك وهايشيلك جوه عنيه زي ما وعدني مبروك يا بنت عمري يا بنت قلبي بحبك يا أجمل بنوته واجمل عروسة في الدنيا كلها بحبك يا ليلي".
تابعوا آخر أهل مصر على Google News
