رانيا فريد شوقي: "حواديت" من أجمل الحكايات.. ومصر لسة مليانة كنوز بشرية

عبّرت الفنانة رانيا فريد شوقي عن إعجابها الشديد بعرض 'حواديت'، أحد مشروعات التخرج من مركز الإبداع الفني، تحت إشراف المخرج الكبير خالد جلال، مؤكدة أن العرض أعاد لها الإحساس بجمال الفن وأصالته.

ونشرت رانيا تدوينة مطولة عبر حسابها الرسمي على 'فيسبوك'، قالت فيها:'امبارح عشت واحدة من أجمل الحواديت... من اللي تخرج منها وأنت مصدق إن الفن لسه بخير.

حضرت عرض 'حواديت' مشروع تخرج دفعة جديدة من مركز الإبداع تحت قيادة المخرج الكبير خالد جلال..شباب يفرح القلب بموهبتهم وطاقتهم، وخفة دمهم..مصر لسه مليانة كنوز بشرية مستنية فرصة..اللي بيحصل في مركز الإبداع مش مجرد ورشة، ده حلم اتحقق بقلب خالد جلال، اللي من خلاله خرج أجيال بقت نجوم على الساحة دلوقتي' .

كما وجهت الفنانة تحية خاصة للمخرجة المنفذة علا، زوجة خالد جلال، وكتبت:«وطبعًا ماقدرش أنسى حبيبتي علا، المخرجة المنفذة، السند الحقيقي، والزوجة اللي بميت راجل، دايمًا ظهره وسنده، بحبك يا أجدع علا'.

وتابعت رانيا وصفها للتجربة قائلة:'العرض كان وجبة كاملة... ضحكنا، اتأثرنا، فكرنا، ودمعنا...

مشاعر صادقة محبوكة جسدها شباب موهوب أوي، وأخرجها بإتقان وإحساس المخرج المبدع خالد جلال'.

واختتمت رسالتها بتوجيه تحية للشباب، قائلة:

'عمّار يا مصر، طول ما في شباب موهوب، في كل المجالات مش بس الفن، المهم حد يسمعه ويصدقه ويدعمه عشان يوصل لحلمه. الشباب هما المستقبل'.