وجه الفنان آدم الشرقاوي رسالة شكر مؤثرة لجمهوره ومتابعيه عبر حسابه الرسمي على موقع التواصل الاجتماعي 'إنستجرام'، عبّر فيها عن امتنانه الكبير لدعمهم، كما كشف عن الأسباب الصحية والنفسية وراء ابتعاده خلال الفترة الماضية.
وكتب الشرقاوي:'شكرًا لكل الناس اللي تواصلوا معايا، ولكل الردود الرهيبة. شكرًا للصحافة، وشكرًا لكل اللي أونلاين. هحاول أبطل أكون حساس وغريب بعد البوست ده. وأنا مختفي، جاتلي رسايل كتير بتقول إني مش بشتغل في مصر علشان بفضل أمريكا'.
وأضاف:'مصر إدّتني كتير أوي. بابا كان دايمًا يقول لي: إن مفيش زي مصر مكان. هو وماما كانوا دايمًا يشجعوني أهتم بالثقافة، بس كنت صغير وغبي. اشتغلت في مصر مع أحسن ممثلين ومخرجين، والناس رحبوا بيا بجد. رغم إني عشت معظم حياتي في أمريكا (وده ذنب أهلي بصراحة)، بعد لعبة نيوتن حسيت إني مقبول ومرغوب، وكأني ما سبتش مصر أبدًا'.
وتابع قائلًا:'الناس في مصر سمحولي أشتغل على مشاريع كتير وبنيت نفسي هنا. رغم إن لغتي العربية مش الأفضل، ومش فاهم الثقافة كويس، وحاسس إني ساعات ما استحقش، لكنكم دعمتوني وقبلتوني.. شكرًا يا مصر'.
كما كشف آدم الشرقاوي عن سبب غيابه مؤخرًا عن الساحة الفنية، بعد آخر ظهور له في فيلم شماريخ عام 2023، قائلًا:'كان ليا فترة طويلة ما نزلتش بوستات، بس كنت محتاج بريك. من سنتين كنت تعبان جدًا، وزني وصل لـ110 كيلو، ماكنتش قادر أتنفس كويس، وكان عندي ضباب في الدماغ خلى ذاكرتي ضعيفة، وآلام مفاصل ما كنتش قادر أقف معاها، والأسوأ إن كان عندي جلطات في رجلي، وجسمي كله منتفخ بسبب مشاكل في الكلى'.
واختتم رسالته قائلاً:'عديت بظروف صحية صعبة، لكن دعم الناس اللي بيحبوني كان دايمًا طوق نجاة.. شكرًا من القلب'.
تابعوا آخر أهل مصر على Google News
