حنان مطاوع: "فيديو والدي بالذكاء الاصطناعي وجعني.. ومش عارفة كنت هبقى مبسوطة ولا منهارة لو شوفته قدامي"

حلت الفنانة حنان مطاوع ضيفة على الإعلامية منى الشاذلي في حلقة جديدة من برنامج "معكم" المذاع عبر قناة ON، حيث تحدثت عن عدة محاور أبرزها الجدل الذي أثير حول مقطع فيديو تم تداوله مؤخرًا لها مع والدها الفنان الراحل كمال مطاوع، باستخدام تقنية الذكاء الاصطناعي.

وقالت حنان مطاوع خلال اللقاء:"الفيديو ده مش أنا، ده معمول بالذكاء الاصطناعي، وفجأة لقيت الفيديو منتشر على السوشيال ميديا، وأنا اتصدمت لما شوفته."

وأضافت:"ما عنديش شك في نية الشخص الجميل اللي عمل الفيديو حتى قبل ما يعتذر، بس مش كل الناس تقدر تشوف أهلها اللي فقدتهم بالشكل ده، لأن الموقف صعب جدًا."

وتابعت حنان مطاوع:"أنا متعودة أشوف أفلام بابا زمان قبل ما يتوفى، لكن أتخيله دلوقتي بالذكاء الاصطناعي شايل بنتي اللي عمره ما شافها، ده ممكن يوجعني جدًا ويخليني أنهار."

وكانت حنان مطاوع قد تصدرت مؤخرًا مواقع التواصل بعد انتشار مقطع فيديو لها مع ابنتها داخل أحد المولات، علّقت عليه بقولها إنها لا ترغب في أن تُسرق طفولة ابنتها بسبب الكاميرات والسوشيال ميديا، مؤكدة:"في مصورين عايزين ريتش، لكن أنا مش عايزة أسرق طفولة بنتي."