كشفت الفنانة زينة أن الفنان أحمد عز يقوم بتهديدها قائلة: 'أحمد عز بيكلم واحدة صاحبتي بيقولها أنا مش هسيبها ولو مت أخويا مش هسيبها ولو مات ولاده مش هسيبوها هو أحنا عايشين في ذئاب الجبل لما تموت عيالك هما اللي هيعملوا عليك صدقة جارية'.
وتابعت في لقائها ببرنامج الحكاية تقديم الإعلامي عمرو أديب: 'ولادي بيحبوه بس كان لازم أقولهم أن أبوكم بيغلط في'، ووجهت رسالة للفنان أحمد عز قائلة: 'أنا عايزة اطلب منه حاجة كفاية غلط فيّ أنا تعبت من الحروب والخناق أنت مشفتش مني حاجة وحشة حرام عليك، أنت واخد ليه الموضوع بشكل انتقامي'.
وكشفت الفنانة زينة تفاصيل جديدة عن فترة زواجها بالفنان أحمد عز، قائلة: 'تزوجته عرفى فى6/15عام 2012 فى وجود أهلي وأصدقائه في حفلة كبيرة في بيت أختي وزوج أختي وسافرنا أمريكا بعد كده بعد سنة علشان أولد لأني حملت في شهر 3 من 2013 وعشان نوثق الزواج العرفى فى القنصلية المصرية هناك وكان عاوزنى أعتزل الوسط الفنى، وكان بيجيلى شغل كتير جدا فى الوقت ده، وكان هيبقى نقلة كبيرة فى حياتى'.
وتابعت زينة خلال لقائها مع الإعلامي عمرو أديب ببرنامجه الحكاية على قناة إم بي سي مصر: 'عشان انزل مصر بعيالى لازم يكون هناك توثيق يثبت أنهم من شخص عن طريق إثبات الزواج مدنيا فى أمريكا وطلعت التوثيق ورجعنا على مصر كويسين ومفيش مشكلة، فأحمد مش وحش وكان نفسي يقعد معايا، وعايز أقفل على حياتي الشخصية وأحمد على فكرة يؤدى فريضة الحج والعمرة ومش بيسيب فرض صلاة وكنت بحبه من 10 سنوات من أيام فيلم مذكرات مراهقة وهو شخص كويس قوي وكان فرحان جدا بالحمل'.
تابعوا آخر أهل مصر على Google News
