لأول مرة.. زينة تتحدث عن أحمد عز وتفاصيل زواجهما عرفيّا في أمريكا (فيديو)

كشفت الفنانة زينة تفاصيل جديدة عن فترة زواجها بالفنان أحمد عز، قائلة: 'تزوجته عرفى فى6/15عام 2012 فى وجود أهلي وأصدقائه في حفلة كبيرة في بيت أختي وزوج أختي وسافرنا أمريكا بعد كده بعد سنة علشان أولد لأني حملت في شهر 3 من 2013 وعشان نوثق الزواج العرفى فى القنصلية المصرية هناك وكان عاوزنى أعتزل الوسط الفنى، وكان بيجيلى شغل كتير جدا فى الوقت ده، وكان هيبقى نقلة كبيرة فى حياتى'.

وتابعت زينة خلال لقائها مع الإعلامي عمرو أديب ببرنامجه الحكاية على قناة إم بي سي مصر: 'عشان انزل مصر بعيالى لازم يكون هناك توثيق يثبت أنهم من شخص عن طريق إثبات الزواج مدنيا فى أمريكا وطلعت التوثيق ورجعنا على مصر كويسين ومفيش مشكلة، فأحمد مش وحش وكان نفسي يقعد معايا، وعايز أقفل على حياتي الشخصية وأحمد على فكرة يؤدى فريضة الحج والعمرة ومش بيسيب فرض صلاة وكنت بحبه من 10 سنوات من أيام فيلم مذكرات مراهقة وهو شخص كويس قوي وكان فرحان جدا بالحمل'.

وأضافت زينة: 'ولدت فى الشهر السابع فى أمريكا، وفى هذه الأثناء والد أحمد عز مرض، ووالده اتوفي بعد ماولدت فاضطر إلى النزول لمصر، وكان والاتفاق إنه يجى أمريكا مرة أخرى يدفع مصاريف الولادة والمستشفى، وكان عايز يجي يشوف ولاده كل شهر وهو في مصر'، مختتمة أنها كانت تحبه جدا ولكن لما رفض الطلاق خلعته في المحكمة.