"عايز يسقطني عشان أنا كنت شغالة في الإمارات".. بهذه العبارة أدلت سيدة كفر الشيخ أقوالها أمام النيابة العامة على خلفية اتهامها بالزنا، وزوجها “م. ع. أ”، 36 عامًا، جزار، بالتعدي عليها هو وشقيقه بالضرب، فى القضية رقم “11760 لسنة 2020″، إداري قسم أول شرطة كفر الشيخ.
وجاءت نص تحقيقات النيابة العامة بكفر الشيخ، تحت إشراف المستشار أشرف ربيع، المحامي العام لنيابات كفر الشيخ، بعدما افتعلت السيدة "سمر. م.ي" حيلة، وذهبت لتقدم بلاغا تتهم فيه زوجها بالتعدي عليها بالضرب وإجهاضها؛ إذ كانت حامل في طفل، على الرغم من أن هناك مكالمات مسجلة تُثبت أنها حملت من أحد الأشخاص، يدعى "وليد" بدولة الإمارات، قائلة: "متسبنيش يا وليد أنا لازم أنزل الولد ده".
في البداية، روت المتهمة تفاصيل الواقعة التي تعود إلى 4/9/2020 في قرية الحمراوي مركز كفر الشيخ، قائلة: "اللي حصل اني كنت في شقتي أنا وأولادي وكان فيه خلافات بيني وبين جوزي بسبب مشاكل عائلية وروحت علشان آخد حاجتي من الشقة، قام هو وأخوه منعوني من دخول الشقة وضربوني وسرقوا الحاجة بتاعتي ثلاث تليفونات وذهب وفلوسي وأنا كنت حامل ساعتها وأجهضت الجنين".
وتابعت، "كنت رايحة لوحدي، علشان اخد حاجتي وجوزي ضربني بالمقص في كتفي وأخوه ضربني بالركبة في عنيا وهما الاثنين ضربوني في بطني".
ورداً على سؤال المحقق عن قيام وصف الأسلحة والأدوات التي كانت بحوزتهم، قائلة: "جوزي كان معاه المقص حديدي لونه أزرق وضربني بالمقص ضربتين على كتفي اليمين، وأخوه كان معاه عصايا خشب، و ضربني ثلاث بوكسات في عيني الشمال وبالعصاية على ضهري كتير وهما الاثنين بأيديهم في بطني".
وأوضحت المتهمة أنه، تم إصابتها بجرح قطعي في الكتف الأيمن وكدمات في العين اليسرى بالإضافة إلى سقوط حملها، مضيفة أنها كانت حامل في 6 أسابيع، تم إسقاط حملها بعد أسبوعين من الواقعة.
"أحمد عباس كان بيقول لجوزي اللي هو أخوه سقطها".. اختتمت المتهمة حديثها باقتباس عبارة على لسان شقيق زوجها أثناء تعديه عليها بالضرب، مشيرة: "هو عايز يسقطني عشان أنا كنت شغالة في الإمارات ولما بقيت حامل قولتله مش هينفع اسافر فسقطني عشان خاطر اسافر تاني".
تابعوا آخر أهل مصر على Google News
