قررت النيابة العامة، اليوم، إحالة مواطن أمريكي الجنسية إلى محكمة الجنايات، لاتهامه بالشروع في قتل سودانيتين الجنسية وتعاطي المواد المخدرة.
وتعود تفاصيل الواقعة إلى ورود بلاغ بوجود شخص مصاب بفيلا في منطقة التجمع الخامس، وبالانتقال والفحص تبين وجود مصابة تدعى جين جون، 33 عاما سودانية الجنسية، ومقيمة بمحل البلاغ، وذلك على إثر حدوث مشاجرة مع "دارن اسکوت" أمريكي الجنسية، وبالتقابل مع شقيقة المصابة وتدعى "استلا اركان جون"، أفادت بقيام المتهم بالتعدي على المصابة بالضرب، وإحداث إصابتها عن طريق قوس ورمح، وذلك لغيابه عن الوعي وتناول المواد الكحولية، وبإجراء المعاينة محل البلاغ، تلاحظ وجود قوس وسهم ملقيان على الأرض ووجود دماء حولها ووجود خنجر على السرير.
وبسؤال المدعو دارن سكوت في تحقيقات النيابة العامة، قال "اللي حصل إن أنا اتعرفت على جين جون في بار فندق، في شهر ديسمبر، قعدنا اتكلمنا مع بعض وعزمتها على مشاريب في البار وقالت لي إنها بتيجي الفندق، عشان تشوف زبائن واتفقت معاها في اليوم ده إنها تيجي معايا الفندق، عشان إقامة علاقة جنسية، واتفقنا على مبلغ 500 جنيه هتاخدهم مني، وفعلا أنا أقمت معاها علاقة جنسية من ساعة ما اتعرفت عليها، لحد المشكلة دي حوالي 12 مرة، وكانت دايما بتبات معايا يومين أو ثلاثة وترجع بيتها في المعادي، وترجع تبات معايا تاني".
وأضاف: "من أسبوعين هي عرفتني على استيلا، ومارست معهما هما الاثنين الجنس ساعتها، وستيلا أخدت 500 جنيه ساعتها، وامبارح كنا متفقين إن إحنا هنمارس الجنس مع بعض، وفعلا جین حضرت المنزل الساعة 7 بالليل، واستيلا جت وسهرنا مع بعض، وشربنا خمرة وشيشة، وكنا بنتفرج على فيديوهات في التليفزيون، وبعد الساعة 11 بالليل قررنا نمارس جنس مع بعض، وإحنا داخلين غرفة النوم هما قالولي إن هما عاوزين يزودوا الفلوس شوية، وكل واحدة فيهم تاخد ألف جنيه، وأنا رفضت وساعتها "جين" أخدت سكينة صغيرة من علي كمودينو في مدخل غرفة النوم وخربشت بيها في إيدي الاثنين، وساعتها أنا أخدت سهم من غرفة الملابس وخبطها بيه خبطة متوسطة، وهو ده اللي عمل إصابتها وساعتها هي صرخت وستيلا ساعتها مسكت السكينة عشان كانت خايفة، وقعدت تهوشلي بيها وساعتها أنا كنت بھوش بسهم تاني، غير اللي ضربت به جين وده سببلها جرح في إيدها الشمال، وبعدين هما قعدوا يصرخوا وأنا كنت ساعتها سكران وزقتهم وجريت وركبت عربيتي وفوجئت إن البوليس بيوقفني وخدوني على قسم التجمع الخامس".
تابعوا آخر أهل مصر على Google News
