على بعد كيلو متر من قسم الشرطة، هرول أهالي منطقة المساكن الاقتصادية بمدينة حلوان جنوب محافظة القاهرة، مسرعين نحو صوت صراخ وعويل أحد الجيران، حينما يستغيثون بالنجدة، أو الإسعاف بعدما سقط 'مصطفي محمد' موظف، جثة هامدة قتل علي يد جاره يدعي (قلبظ) باستخدام آلة حادة (خنجر) بسبب مرور زوجة المجني عليه سبت بلكونة من أمام شرفة شقته.
مقتل موظف على يد بلطجي بحلوان
الجريمة الدامية أصبحت حديث الساعة على ألسنة الأهالي بالمنطقة، حينما قضت 'أهل مصر' نحو 60 دقيقة لمعرفة كواليس الحادث المأساوي من أفواه شهود العيان َكان من بينهم 'عادل ج' الذي قال: 'المتهم والمجنى عليه كنت بعتبرهم أولادى، فمحمد المتهم ومصطفى المجنى عليه يسكنان معى فى نفس العقار بالدور الأول، ولو كنت موجود يوم الواقعة ماكنش حاجة هتدخل بينهم ويحصل اللي حصل'.
مقتل موظف على يد بلطجي بحلوان
ويضيف فى حديثه: طلب المجنى عليه شاى من زوجته أثناء تصليح 'ماتور'، فوضعت الشاى فى 'السبت' وأنزلته من الدور السادس حيث يسكن المجنى عليه، والمتهم كان فى الدور الخامس فى نفس العقار، وكان المتهم فى هذا الوقت جالسا فى البلكونة وانزعج من إنزال السبت فحدثت مشادة كلامية بينهما على خلفية تعدى المتهم بالكلام على زوجته.
مقتل موظف على يد بلطجي بحلوان
وتابع: 'المتهم قال للمجنى عليه أنا هنزلك وكان نازل ومعاه خنجر فى جيبه ولسه بيتكلموا قامت مشادة كلامية قام المتهم على إثرها بطعن المجنى عليه بالخنجر بطعنة فى القلب، ودى أول مرة يحصل الموقف ده بينهم فكانت بتنزل السبت من شرفة منزلها عادى'.
وعن الواقعة قال جار المتهم: 'ده شخص متعلم وماكنش بتاع مشاكل وقاعد مع والده ووالدته وشقيقه المعاق منذ سنوات عديدة، أما المجنى عليه مصطفى فالكل يشهد بأخلاقه وحسن سمعته، جاء منذ أربع سنوات من أطفيح 'من منطقة بنى صالح' ليسكن فى المنطقة هو وزوجته وبناته الاثنين'، مختتما حديثه وهو يبكى: 'اتصدمت من اللى حصل، دوال كانوا بيقابلوا بعض بالأحضان أنا معرفش ده حصل ازاي، اللى حصل ده قدر ومكتوب'.
مقتل موظف على يد بلطجي بحلوان
وعن يوم الواقعة سردت إسراء مصطفى تفاصيل ساعة الشيطان التي عاشتها:' اللي حصل ان زوجي كان بيصلح الماتور المياة خلف العقار. الماتور ده بيشترك فيه شقتي في الدور السادس وشقة الدور الخامس طلب مني شاي للناس اللي معاه تحت نزلت عملت الشاي عند جارتي في الدور الخامس ونزلتله السبت من عندها في ترمس وانا بنزل السبت لاحظت المتهم واقف في البلكونة كنت حريصة ان انزله براحة عشان مخبطش فيه وفعلا نزلته وزوجي جاي من اول الشارع وانا بنزله شايفه بيشوح وبيتكلم. عشان بنزل السبت '.
مقتل موظف على يد بلطجي بحلوان
وتواصل الزوجة حديثها :' زوجي ضايق انه بيكلم بطريقة مش لطيفة . فهو بيسأله انت بتشوح ليه هو السبت خبط فيك قصده ان يعني كان هيعتذر ان السبت خبط فيه لكن الثاني رده كان سخيف جدا قاله انا حر اشوح زي ما أنا عايز انت مالك زوجي قاله يعني ايه اشوح زي م انا عايز قاله هو كده والسبت ده مينزلش من هنا تاني.. جوزي قاله يعني ايه مينزلش من هنا تاني قاله هو كده ولا انزلك اعرفك.. زوجي قاله لا انزلي ولما نزل طعنه بالخنجر اللي كان مخبيه بين ملابسه '.
تابعوا آخر أهل مصر على Google News
