تفحص أجهزة الأمن بالقاهرة منشور حول التحرش بسيدة عن طريق عدد من الشباب بمنطقة عزبة النخل بالمرج.
ويقوم رجال المباحث بفحص الواقعة للتأكد من صحتها وكونها حديثة أم قديمة.
وكان انتشر على عدد من الصفحات منشور مكتوب فيه 'هنفضل لحد امتى بناتنا وحريمنا معرضين للخطر دائما في الشوارع.. على أيدي البلطجية والمتسولين..!! دول مجموعة بلطجية ومتسولين اللي سكران واللي ايده مقطعة واللي مبرشم.. وأشكالهم لا حول ولا قوة..'.
وأضاف كاتب المنشور، أن هؤلاء تعرضوا لزوجة أخي في طريقها أثناء دخولها لركوب مترو الأنفاق.. ولم يكتفوا بالمعاكسة والتحرش والمضايقة خارج المحطة فقط بل كمان ببجاحة شديدة دخلوا وراها المترو وفضلوا مترصدينها ومراقبينها..!!'.
وتابع، 'متخيلين الموقف والرعب اللي أي ست أو بنت بتبقى فيه في وضع زي ده يعني في أي وقت ممكن بنتك أو زوجتك أو أختك تكون عرضة لشوية بلطجية زي دول في أي مكان في الشارع او داخل المواصلات العامة دون حماية.. دون قانون.. دون أدنى شك إنها ممكن تتخطف عادي أو يحصلها كوارث أسوء..!!'.
وتابع، 'نستكمل الموضوع بعد دخولهم وراها في المترو شافوها ركبت عربية السيدات دخلوا وراها وحصل مشكلة ومشادة بينهم وبين السيدات في المترو زي ما شايفين في الصور كده وبكل بجاحة شديدة برده كانوا هيضربوا الستات في المترو..!! وعشان زوجة أخي عارفة إنهم داخلين وراها وبيراقبوها ومن خوفها قررت تصورهم وتبعت الصور لزوجها فوراً عشان لو حصلها حاجة منهم نلحقها، ولما المشكلة كبرت وستات كتير تدخلوا والخناقة هتكبر مع السيدات في المترو نزلوا من العربية بعد ما خبطوها وزقوها في المترو وسرقوا البوك بتاعها وشنطتها وخطفوا موبايل من سيدة اخري كانت واقفة..'.
تابعوا آخر أهل مصر على Google News
