شقيقة عريس البحيرة المتوفى ليلة زفافه: وجع قلوبنا وضهرنا انكسر

واصلت 'عبير خضر' شقيقة الشاب 'مسعود خضر' المتوفى ليلة حنته بالبحيرة نعيها لأخيها عبر صفحتها على 'فيس بوك'، طالبة من المتابعين الدعاء له بالرحمة.

وكتبت 'عبير'، 'وجعت قلبي عليك ياخويا، مشيت وسيبتنا بدري ليه يا عريس، كنا لسه بنرقصوا سوا ي حبيبي وتقولي أنا هتجوز خلاص شوفتي صورتي بالبدله يا عبير استني أوريهالك، أنا هبقى عريس قمر بكره يا بت يا عبير'.

وأضافت شقيقة المتوفى: ' كده خلاص ياخويا؟ كده مافيش فرح بكره ومش هتلبس البدلة يا اخويا؟ لا قوم ي قلب أختك قولي إن كل ده كدب وإننا هنفرح بيك يا عريسنا، وجعت قلوبنا عليك ياخويا والله وضهرنا اتكسر خلاص يا قلب أختك'.

تفاصيل الواقعة

شهدت إحدى قرى مركز أبو حمص بمحافظة البحيرة، في الساعات الأولى من صباح اليوم الخميس، وفاة شاب في ليلة الحنة، إثر أزمة قلبية مفاجئة.

وتعرض العريس ويدعى 'مسعود خضر'، لأزمة قلبية عقب ذبح عجل 'دبيحية الفرح'، وسقط على الأرض حتى فارق الحياة، وقال أصدقاء الشاب المتوفى ليلة الحنة، إن زفاف صديقهم كان يوافق اليوم الخميس.