قال مصدر قانوني، إن جهات التحقيق قررت إحالة اليوتيوبر أحمد حسن، إلى محكمة جنح القاهرة الاقتصادية، في شأن اتهامه بالتحرش بفتاة، وتحريضها على الفسق والفجور، وذلك في ضوء ما أسفرت عنه التحقيقات.
تسلمت النيابة التقارير الفنية من الأجهزة الأمنية المختصة، واستمعت لأقوال الضابط بوحدة مكافحة جرائم تقنية المعلومات في مديرية أمن القاهرة الذي أجرى تحرياته بشأن الحادث.
تستعرض «أهل مصر» عبر السطور المقبلة، القصة الكاملة لاتهام أحمد حسن بالتحرش لفظيا بالفتاة وما جرى في القضية من تحقيقات.
خرجت فتاة تدعى «سما» في مقطع فيديو، تتحدث عن تعرضها للتحرش على يد اليوتيوبر أحمد حسن، بعد نشره إعلانا عبر خاصية القصص القصيرة المصورة، على حسابه الرسمي بتطبيق «إنستجرام»، طلب خلاله البحث عن فتاة للعمل كموديل في فيلم قصير.
ذكرت الفتاة في مقطع فيديو بثته تفاصيل الواقعة كاملة قالت فيه: «هو نزل ستوري عنده، قال إنه عايز بنت لفيلم قصير يكون سنها من 20 سنة لـ35 سنة، فدخلت كلمته وقولت مش هيرد عليا لأن في كتير هيبعتوا.. فهو رد وقولتله أنا 19 سنة ينفع؟، قالي مش مشكلة تمام وابعتي صورك بعتله صوري بدل ما يقولي هتقابليني في مكان عام، قالي انتي جسمك حلو ويعتبر اتحرش بيا لفظيا، فأنا لما لاقيت الكلمة دي قولت لا أنا هجرجره في الكلام تاني، وكل حاجة تبقى واضحة، بعتلي رقمه واتساب وكلمته وبدأت المحادثة من هنا وبعد كده كلمته».
بعد حالة الجدل والهجوم على اليوتيوبر، قرر الأخير الرد على الفتاة لأول مرة، عبر صفحته الرسمية على موقع التواصل الاجتماعي «فيس بوك».
وظهر أحمد حسن وزوجته زينب، في بث مباشر على «فيس بوك»، ليرد على حديث الفتاة التي اتهمته بالتحرش، قائلًا: «كنا في عيد ميلاد إيلين بنتنا، ولاقينا ناس بتكلمنا إن في بنت بتتهمني بالتحرش، بعد عيد الميلاد لاقيت بنت طالعة في فيديو بتدعي إن أنا اتحرشت بيها».
وكشفت التحقيقات أن الفتاة تدعى 'سما' تبلغ من العمر 19 عاما وتقيم بمنطقة الدرب الأحمر، حيث اتهمت اليوتيوبر أحمد حسن بالتحرش بها لفظيًّا عبر الواتساب وقالت: 'اللي حصل إن اليوتيوبر أحمد حسن كان عامل اعلان على الصفحة بتاعته على الانستجرام ان هو عايز بنت من سن 20 سنة إلى سن 35 وأنا بعتله علشان عايز يعمل فلم قصير فأنا كلمته وقلتلة أنا عارفاك ومن متابعينك بس أنا عندي 29 سنة وبعتلك صوري.
وأضافت الفتاة المجني عليها خلال تحقيقات النيابة 'هو أعجب بالصور ولقيته بيقولي هكلمك واتس أب، وكلمني واتس فعلا، وبعد كده لقيته بيطلب مني صور خاصة ولقيته بيقولي': انتي جسمك حلو أوي'، يلا نلعب عريس وعروسة كده شوية، وتعالي البيت هتتبسطي قوي، وصوري جسمك بس متورنيش وشك ولو عرفتي تتصوري صوره خاصة واحدة بس اتصوري وورهاللي، طب اقلعي التيشيرت البنك ده واتصوري من غيره كده، انتي جسمك أبيض من حياتي، تعالي نتقابل في الفيلا بتاعتي أمام مول مصر، إنتي عسولة قوي وجسمك جامد قوي علي فكرة.
وتابعت الفتاة في أقوالها خلال التحقيقات: 'هو اللي بعتلي على الانستجرام وبعتلي رقمه وقالي كلميني واتس وانا طبعا قولتله انا متجوزة وأنا بنت ناس ومينفعش الكلام اللي أنت قولته ده وبعدين رحت عملت محضر وأنا بتهمه بتحريضه على ممارسة الفجور والدعارة معه وإن هو بعتلي رسائل فيها تخطي للحياء والشرف وسبب لي ضرر نفسي.
وقالت الفتاة في مقطع الفيديو : 'انصدمت إن أحمد حسن قدام الناس محترم وطلع بالقذارة دي المصيبة أن هو طلب مني ان أنا اروح له فيلته عشان انام معاه، قالي هنلعب عريس وعروسة ولما رفضت ابعتله صوري قالي هو انتي لما تشوفيني مش هتعملي كده فقلت له أنا اعمل كده ازاي؟'.
تابعوا آخر أهل مصر على Google News
