نشر رامي الجبالي مدير صفحة "أطفال مفقودة"، على موقع التواصل الاجتماعي فيسبوك، صورة شخص يستغل الفتيات الصغيرات وينشر لهن صورا عبر المواقع الإباحية.
وقال الجبالي في منشور له: «المجرم اللي في الصورة دا كان بينشر صور أطفال على مواقع إباحية، بعد ما يستدرجهن من خلال منصات التواصل الاجتماعي، ويوهمهن بأنه بيحبهن، وللأسف أكثر من طفلة وقعت في فخ هذا المجرم، وللأسف تم نشر مقاطع فيديو لهن على مواقع إباحية».
وأضاف: «وصلتنا القضية على أطفال مفقودة، وبدأنا في جمع المعلومات، وتواصلنا مع أحد أجهزة مصر الرقابية، عشان يساعدونا ونساعدهم، واهتموا جدا بالواقعة، ووعدوني إنهم مش هيسيبوا القضية دي بالرغم من صعوبتها.. بس دي أطفال ومش هنسيب حقهم».
وتابع: «بدأنا في تفريغ الفيديوهات اللي نشرها، وللأسف المجرم كان دايما حريص إن وشه ميظهرش، ما عدا لقطة واحدة غير واضحة ظهر جزء من وشه».
وواصل: «بناء عليه بدأ الجهاز الرقابي في فحص شبكة معارف وأصدقاء الفتيات، وتجمع الشك حول مجموعة من الأشخاص.. ومش بس كدا.. الجهاز الرقابي تواصل مع جهات سيادية في دول أخرى عشان يعرفوا هوية رافع المحتوى، وبالفعل جمعوا معلومات عنه، وتم حذف المحتوى الذي يخص الفتيات».
واختتم بالقول: «احنا من خلال تقنياتنا قدرنا نحدد هويته بنسبه كبيره، لكن كان لازم تحريات الجهة الرقابية، عشان تؤكد المعلومة باليقين عشان ميكونش الشخص اللي شكينا فيه مظلوم، وبالفعل بدؤوا التحريات، وتأكدوا من هوية المجرم، وتم القبض عليه، وهو الآن أمام المحكمة، وبيتم تجديد حبسه».
تابعوا آخر أهل مصر على Google News
