«عنيدة ومفيش تفاهم بيننا».. إحالة المتهم بذبح زوجته الممرضة إلى الجنايات

قررت النيابة العامة بالجيزة، اليوم الأحد، إحالة المتهم بقتل زوجته 'عروس أكتوبر' أو كما اشتهرت اعلاميا بـ'ممرضة أكتوبر' بعد 6 أشهر من الزواج إلى محكمة الجنايات.

أدلى المتهم اعترافات تفصيلية خلال تحقيقات النيابة العامة التي أجريت معه، وأفاد أنه تعرف على زوجته المتوفية من خلال عملهما سويا في المستشفى، حتى طالبها للزواج، وتزوجا منذ 4 أشهر.

أقوال المتهم

وقال المتهم بقتل زوجته ممرضة أكتوبر: 'الخناقات بيني وبينها كانت كتير لكن كنا بنتصالح بسرعة أنا وهي، وده عشان الحب اللي كان بينا، وهي كانت كويسة جدا وبتعمل كل حاجة في البيت من أكل وتوضيب ونظافة وحتى العلاقة الزوجية، لكن كان عندها عيب واحد بس أنها عنيدة ودماغها ناشفة ومش بتسمع الكلام'.

وكشف المتهم بإنهاء حياة زوجته ممرضة أكتوبر خلال تحقيقات النيابة العامة، ما حدث يوم السادس من إبريل الماضي، وتابع: 'يوم الحادث كنا بنفطر عادي وبعد ما خلصنا الفطار حصل بينا خناقة أنا وهي وبعدين لقيتها بتقولي أنا هموت نفسي وأخلص، وجريت على المطبخ تجيب آلة حادة، وأنا جريت وراها لقيتها ماسكة في إيديها آلة حادة، قولتلها بتعملي إيه إنتي دماغك راحت خالص'.

قال المتهم أمام النيابة: 'مسكتها من وشها وبعدين من رقبتها وحاولت أسحب منها الآلة الحادة دي، وهي كانت بتتحرك بجسمها عشان تفلت مني ومرة واحدة لقيت الآلة الحادة عورتها في صدرها، روحت مخرجها من المطبخ عشان ضيق وجريت جبت مناديل من أوضة النوم بس معرفتش انشّف الجرح، فتحت باب الشقة وقعدت أنادي بصوت عالي محدش طلع'.