ضبط سائق شركة توصيل شهيرة حاول خطف فتاة بالشروق.. «رمت نفسها من العربية»

ألقت أجهزة الأمن بالقاهرة، القبض على السائق المتهم بمحاولة خطف فتاة في الشروق بطريق السويس، ما تسبب لها في نزيف داخلي وكسور وسحجات، ونقلها إلى المستشفى، بحسب ما تداوله رواد بمواقع التواصل من منشورات لواقعة تعرض فتاة تدعى حبيبة الشماع للخطف.

وقال مصدر أمني، إن أجهزة الأمن تفحص الواقعة للوقوف على ملابساتها، وذلك بعد تداول رواد منشورات لواقعة تعرض فتاة تدعى حبيبة الشماع لمحاولة اختطاف داخل سيارة تابعة لشركة توصيل شهيرة بالقاهرة.

أمن القاهرة

سائق يحاول خطف فتاة بالشروق

وجاء في منشور متداول على نطاق واسع لإحدى قريبات الفتاة 'حبيبة فاقدة الوعي وعندها نزيف في المخ، خدو بالكم من نفسكم ومن بناتكم الناس بقوا مؤذيين ربنا يبعد عنا شرور الناس'.

وأضافت: 'حبيبة استقلت سيارة من التجمع الأول وكانت رايحة مصر الجديدة الساعة ٦:٥٠، مامتها كلمتها في التليفون مكنتش سمعاها كويس علشان صوت الكاسيت كان عالي، والراجل كان بيتخانق في التليفون حبيبة طلبت منه يوطي الكاسيت قالها لأ وكان بيبرطم بالكلام مامتها مكنتش سامعة هو بيقول إيه قالتلها ماله ده؟، حبيبة قالت لها مش عارفة ماله وقفلت بعدها'.

وتابعت: 'أصحاب حبيبة كلموها يشوفوها وصلت فين، رد عليهم واحد قال لهم صاحبت التليفون دي وقعت من العربية قعدت تتشقلب لحد مخبطت في الحاجز الأسمنت اللي على طريق السويس ولما راح يسألها إيه اللي حصل قالت Uber كان عاوز يخطفني وجالها تشنجات وفقدت الوعي'.

وأوضحت: 'معرفش حصل إيه يخوفها بالشكل ده ترمي نفسها والعربية بتجري بس أنا عارفه كويس إن حبيبة بتخاف على نفسها وأكيد هو رعبها، والسواق اختفي بعد وقعت ولا طلب إسعاف ولا وقفلها، وقفل الموبيل'.