خلاف على الأجرة.. فتاة تتهم سائق «أوبر» بمحاولة خطفها أثناء توجهها لمطار القاهرة

اتهمت فتاة تدعى حبيبة أسامة سائق أوبر بمحاولة خطفها بعد خلاف على الأجرة في أثناء توجهها لمطار القاهرة.

وقالت الفتاة في منشور لها على فيس بوك: 'كنت طالبه إندرايف للمطار من أكتوبر قالي أطلبي أوبر عشان أدخلك جوا المطار لأن إندرايف مش هيدخلك جوا واللوكيشن بايظ فيه، وقالي إنه ممكن يدخلني جوا بس أدفعله أكتر قولتله لا، فقالي طب أطلبي وهقبل وعملنا كده فعلا'.

فتاة تتهم سائق «أوبر» بمحاولة خطفها

وأضافت في المنشور: 'طول الطريق قاعد يدخلني في طرق غريبة وحركاته غريبة ومتوتر وفضلت اتصل بماما وأخواتي وبعدين دخل طريق مصنع وحتة مقطوعة فسألته وبكلم ماما هو ده طريق صح'.

وتابعت: 'قالي أه بعدها لف ورجع عالطريق السريع وفضلت ساعتين بيلف بيا في الآخر قالي ممكن تغيري اللوكيشن قدام الصالة قولتله مش عارفة فا أخد الموبايل وغيره هو لمكان تاني أصلا وبقى السعر 500 جنيه لما قلت له إزاي؟، قالي ممكن تنزلني هنا وقف وبعدين مشي قالي هنزلك قدام المطار قولتله لا هنزل هنا عشان اعرف أطلب واحد تاني وهديك فلوسك ومكانش راضي يقف غير لما زعقتله'.

واختتمت المنشور: 'نهى الرحلة وقالي مش هيديني شنطتي اللي في شنطة العربية غير لما أدفعله 500 جنيه وفضل يزعق كتير

فاديته الفلوس عشان الحق الطيارة لأنه قعد يلف بيا ساعتين وسابني في مكان كله عربيات نقل في الأخر'.