سوبرمان المصري.. منقذ ركاب معدية أبو غالب: «طلعت 6 فتيات والباقي غرق في العربية»

تواصلت كاميرا «أهل مصر»، اليوم الثلاثاء، مع شهود عيان، الذين كشف أحدهم تفاصيل جديدة عن واقعة حادث غرق ميكروباص بمعدية أبو غالب في محافظة الجيزة.

ورصدت كاميرا موقع 'أهل مصر' لحظة انتشال ضحايا الحادث الأليم، الذي وقع في الساعات الأولى من صباح اليوم، حيث سقطت سيارة ميكروباص محملة بعدد من الفتيات من أعلى معدية في الرياح البحيري بمنشأة القناطر في الجيزة.

وتحدث أحد شهود العيان لـ موقع 'أهل مصر'، قائلًا: 'الساعة 8 ونص الصبح سمعنا أصوات صريخ من ناحية المعدية جرينا لقينا ميكروباص وقع بالناس اللي فيه والضحايا كانت بتحاول تطلع من المياه، خلعت ملابسي وأنقذت حوالي 6، وأخرجت متوفية والباقي كان جوه الميكروباص'.

وأضاف: 'الميكروباص كان في 26 فتاة أنقذنا 9 فتيات وأخرجنا 9 آخريات، وباقي الضحايا الله أعلم عددهم كام'.

أسباب سقوط معدية أبو غالب في المياه

وعن أسباب سقوط الميكروباص في مجرى المياه، أضاف: 'اللي سمعته إن السواق نزل من العربية يتخانق مع واحد معاه تروسكيل عشان بيعاكس، وزعلوا مع بعض واتخانقوا، ونسي أن العربية شغالة ومرفعش فرامل اليد، العربية نزلت من خلف المعدية في المياه، العايش طلعناه والميت طلعناه وباقي الضحايا غرقا داخل الميكروباص'.