قررت الدائرة 1 بالمحكمة الإدارية العليا بمجلس الدولة، رفض الطعون المقدمة على بطلان انتخابات مجلس إدارة نادي الزمالك الحالي والمقيد برقم 21023 لسنة 70 بمجلس الدولة.
وكان قد تقدم بالطعن على انتخابات مجلس إدارة نادي الزمالك الحالي، كل من جمال عبد الكريم المحامي عن نفسه وبصفته وكيلا عن ماجد فاروق عبد الجواد الحنبلي عضو الجمعية العمومية لنادي الزمالك والمرشح على مقعد رئيس نادي الزمالك في الانتخابات الماضية، وأحمد محمد عبد الغني عبد الرازق - عضو الجمعية العمومية لنادي الزمالك والمرشح على مقعد نائب رئيس النادي في الانتخابات، واللواء محمود سامي عبد الوهاب محمود نور الدين، عضو الجمعية العمومية لنادي الزمالك والمرشح على مقعد العضوية فوق السن في الانتخابات، ومحمد السيد رجب عبد الله عضو الجمعية العمومية لنادي الزمالك.
وقال مرتضى منصور في بث مباشر مع جريدة أهل مصر : « أنا اتبرعت لنادي الزمالك بـ 200 مليون جنيه.. ممدوح عباس اتبرع بـ ايه؟، والحديد والأسمنت اللي اتعمل بيهم النادي أنا اللي جاييهم على حسابي وقدمت ورق بكدة للمحكمة وشكرتني».
وشن منصور هجوما ناريا على ممدوح عباس قائلا: « هو أنا هسيبك لما تدوس على اسمي بالجزمة داخل النادي، أنا ساكت بس احترامًا للدولة والظروف الصعبة التي تمر بها المنطقة، والرئيس السيسي مش ناقص حد يعمله مشكلة دلوقتي».
وتابع منصور « صالح سليم لما مات اتعمله تمثال داخل النادي الأهلي، وأنا اللي قعدت 4 دورات ورا بعض رئيس نادي واتبرعت بمبالغ مالية طائلة وعملت قناة الزمالك ونادي عالمي بالإضافة للنادي النهري، تيجي في الآخر تدوس على اسمي بالجزمة دانت هتشوف أيام سودة».
وأستكمل منصور : « أنا الرئيس التاريخي للزمالك لو روحت النادي هضربهم كلهم .. عندي جميعة عمومية وعندي جماهير بجد وأقدر اطلعهم برة النادي».
وأشار مرتضى منصور: « أنا قولت للمحكمة أنتم آخر فرصة لإنقاذ نادي الزمالك.. وأنت وضميرك وربنا لو المجلس الحالى استمر في النادي الزمالك هينزل درجة تانية».
تابعوا آخر أهل مصر على Google News
