شقيقة ووالدة طفل شبرا ضحية «الدارك ويب»: «معملناش عزاء وعايزين القصاص من القتله»

وصلت أسرة الطفل أحمد محمد سعد، طفل شبرا الخيمة، والذي لقي مصرعه على متهمين إثنين، لحضور ثالث جلسات محاكمة المتهمين بقتله.

وتحدثت شقيقة الطفل أحمد سعد في تصريحات خاصة لموقع وجريدة أهل مصر من داخل المحكمة، مطالبة بالقصاص العادل من المجرمين، وإعدامهم شنقًا.وقالت: 'احنا منتظرين القاضي احنا مش عارفين اي حاجة ومنتظرة القاضي هيحكم بايه وان شاء الله خير، عشمانة في ربنا خير، وزي ما احنا دلوقتي متبهدلين القتلة يتبهدلوا، حسبي الله ونعم الوكيل فيهم'.

وأضافت: 'أنا بطالب بالقصاص العادل، إحنا معملناش عزاء لغاية دلوقتي وإن شاء الله إعدام المتهمين'.وواصلت: 'أخويا واحشني .. الله يرحمك يا أحمد نام واستريح حقك هيجيلك ومش هنسكت على حقك وحقك هيجي ان شاء الله'.

وصل المتهمين بقتل طفل شبرا الخيمة بمحافظة القليوبية، والمعروفة إعلاميا بقضية 'الدارك ويب'، لمقر محكمة جنايات شبرا الخيمة بمحافظة القليوبية، لبدء ثاني جلسات محاكمهتم، وسط حراسة مشددة من قوات أمن القليوبية.وكانت قد قررت المحكمة فى جلستها السابقة تأجيل نظر محاكمة المتهمين بقتل طفل شبرا الخيمة وبيع أعضائه وتصوير الواقعة لايف عبر موقع 'الدارك ويب' إلى جلسة اليوم الثلاثاء.