كشفت الفنانة ياسمين علي عن حدوث ماس كهربائي في منزلها، عبر حسابها الرسمي بموقع التواصل الاجتماعي 'فيس بوك'.
وعلقت ياسمين علي قائلة: 'مابحبش الطاقة السلبية والله بس اعمل إيه طيب..هاحكيلكم حاجة صغننة امبارح الساعه 2 بليل من العادة ببقى قاعدة مع بابا وماما ويحيي بنتفرج عالتليفزيون قمت عشان اروح أوضتي أنام'.
وأضافت: 'دخلت الأوضة قعدت دقيقة شامة ريحة بلاستيك محروق ومش فاهمة الريحة جاية من فين فجأة بدون مقدمات وربنا عالم باللي حقوله، لقيت السقف على وسعه مولع نار كله بمعنى الكلمة، وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه'.
وتابعت: 'كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي'.
واختتمت ياسمين علي: 'لو ماكنتش دخلت الأوضة ف التوقيت اللي روحت فيه، الله أعلم كان حصل إيه.. وقبلها بكام يوم كنا لسه عاملين حادثة بالعربية مع عربية نقل كبيرة، فـ ما تنخدعوش بالضحك اللي بضحكه ..كل واحد له فيلم عايشه ..احمدوا ربنا على كل لحظة أمان انتوا عايشينها بدون ترويع وستر وماتبصوش لحياة حد أبدًا من بره'.
أغنية نقابل ناس
يذكر ان وقالت المطربة ياسمين علي عندما تداول جمهور السوشيال ميديا أغنية 'نقابل ناس' للمطرب لؤى بصوتي لم أكن أعلم شيئا عنها، وفوجئت بتخطي الأغنية النصف مليون مشاهدة على اليوتيوب وحصلت على درع اليوتيوب الفضى.
وأضافت خلال لقائها مع الإعلامي عمرو الليثى ببرنامجه 'واحد من الناس' على شاشة الحياة، إن المطرب لؤى صاحب الأغنية الأصلي أُعجب بأدائي جدًّا، ونلت إشادة العديد من الفنانين.
ياسمين علي
ياسمين علي ( مواليد 13 يناير 1990) هي مغنية مصرية، ولِدت في محافظة البحيرة ثم انتقلت إلى مدينة الإسكندرية، تعمل صولست بدار الأوبرا المصرية وممثلة في فرقة الفنان محمد صبحي.
بدأت ظهور علامات الغناء عليها في سن صغير، حين شعرا والداها بموهبتها الفطرية، وألحقوها بقصر ثقافة الحرية، وكانت أول حفلة لها وهي في سن 8 أعوام كانت في افتتاح قصر ثقافة الأنفوشي حتى دخلت معهد الموسيقى العربية لمدة عام واحد، وتوالت الحفلات بعدها بالإسكندرية حينما كانت صغيرة.
وأشارت إلى أنها غنت في قصر ثقافة الأنفوشي في الإسكندرية، وهي تبلغ من العمر 8 سنوات، وكانت أغنية 'فنيلي شويت' لأم كلثوم.
تابعوا آخر أهل مصر على Google News
