قال محمود منصور المشرف العام على مشروع محور كمال عامر، أن محور كمال عامر يستوعب حوالي 15 الف سيارة في الساعة، مشيراً إلى ان المحور إعجاز مروري بكل المقايس موازي بمحور النيل ومحور السودان.
محمود منصور المشرف العام على مشروع محور كمال عامر
وأضاف المشرف العام على مشروع محور كمال عامر، في تصريحات خاصة لـ'أهل مصر'، بأن المشروع استطاع اقتصار الوقت والحركة المرورية بحوالي 10%، وتابع، ' أي حد دلوقتي عاوز يروح من الجيزة للوراق مش هياخد 10 دقايق، السواقين يقدروا يقتصروا الوقت دلوقتي في الطرق بعد ما كانت المسافات بتاخد نص ساعة ووساعة هتاخد دقايق وده يساعد على فك الإزدحام اللي كانت بتعاني منه منطقة الجيزة'.
واستكمل، ' المشروع اشتغل فيه حوالي 50 ألف واحد من المشرفين والعمال والمهندسين وسائقين وفراشين وغيرهم عشان نقدر نطلع النتيجة بالطريقة والوقت والصورة اللي حضرتكم شايفنها النهاردة والمفروض أصلاً ان محور زي ده يخلص في عشر سنين لاكن المدة والتكلفة للمشروع كانت زي ما وزارة الإسكان حددت ويمكن أقل كمان'.
وأفاد، بأنه هناك المرحلة من مشروع محور كمال عامر في منطقة الوراق، وهي مرحلة جاري تنفذها الآن ومن المفترض الإنتهاء منها خلال ستة أشهر.
محور الفريق كمال عامر
افتتح اليوم الخميس عدد من قيادات وزارة الإسكان ومحافظة الجيزة محور الفريق كمال عامر، الذي يربط بين شمال وجنوب محافظة الجيزة، وذلك فى المسافة من تقاطعه مع الطريق الدائري بمنطقة المنيب جنوباً، حتى تقاطعه مع الطريق الدائري شمالاً بمنطقة إمبابة بطول 12 كم، والتى انتهى من تنفيذها الجهاز المركزي للتعمير، التابع لوزارة الإسكان، ممثلا فى جهاز تعمير القاهرة الكبرى.وكشف مسئولي وزارة الإسكان، أن المحور يسهم فى حل العديد من المشاكل المرورية بمدينة الجيزة، ويُعيد توزيع الحركة المرورية، بما يخفف الاختناقات المرورية الحالية بميدان الجيزة، ومحور 26 يوليو، ومحور صفط اللبن، ويُعد المحور الجديد أول محور مرورى حر يربط بين شمال وجنوب الجيزة، ويضيف مداخل جديدة لمدينة الجيزة للربط مع محافظة القاهرة.
وأكدوا أن المحور يوفر نصف مسافة الرحلة بين شمال وجنوب الطريق الدائرى باستغلال القوس الغربي للطريق الدائري، مما يؤدى لتقليل وقت الرحلات، وخفض التلوث، وتوفير استهلاك الوقود وحل مشاكل الاختناقات المرورية بالمحاور الرئيسية والمناطق التى يمر بها مسار المحور فى هذه المسافة.
تابعوا آخر أهل مصر على Google News
