'رفضت إن بنتي تنام على سرير الأشعة المقطعية لأني لقيته كله دم'، بتلك الكلمات روى محمود.م، مأساته مع مستشفى السلام العام التابعة لمديرية الصحة بالقاهرة، خلال مرافقته لابنته الصغرى لتوقيع الكشف الطبي عليها، بعدما دخلت في وعكة صحية، مشيرا إلى أن الإهمال الواضح الذي بدا له من خلال عدم التعقيم الواضح لأسِرة المستشفى.
يقول 'محمود.م': 'ذهبت لمستشفى السلام لعمل أشعة لبنتي، وجه الدور علينا لعمل الاشعة، لقيت سرير الاشعة المقطعية عليه دم، وكان لازم ان بنتي تعمل الأشعة، ولكني رفضت أن تنام ابنتي علي السرير لأنه مش نظيف'، وأكمل حديثه على إحدى جروبات التواصل الإجتماعي بـ 'فيس بوك': 'لما طلبت مفرش للسرير قالوا مفيش انت في مستشفي حكومة، ومفيش مفارش للسراير، قلت للموظف أنا دافع ٢٥٠ جنيه ثمن الخدمة، قالي الكلام ده غلط، انت في مستشفي حكومة، يعني ملكش حق تطالب بخدمة كويسة'.
مستشفى السلام وتابع الشاكي حديثه قائلاً 'ناهيك عن منظر غرفة الأشعة، وبعد معاناة، البيه النباطشي بعت حد يعقم وينظف، بجد يا جماعة لازم يكون فيه وقفة للمستشفي'.
وانهالت التعليقات على منشور المواطن الذي بعث شكواه إلى الله، حيث علقت شيرين مجدي قائلة ' أصلا اللي بيدخل مستشفي السلام علي رجله، بيخرجوه علي نقالة وهو ميت، والمعاملة هناك زفت من الممرضات اللي درسوا تمريض وبيقوللهم في الكتب لازم تبتسم في وجه المريض، هناك بتلاقي قلة أدب وعدم احترام وناس بجد ربنا يرحمنا برحمته فعلا'.
فيما قال عمرو ' حسبي الله ونعم الوكيل شفته بعينيه'، واتفقت معه إيمي عامر: 'حسبى الله ونعم الوكيل، قلنا قبل كدة كتير ومفيش فايدة، وفي الآخر حولوها كمان تخصصي، بلا خيبة'، فيما علق محمد لبيب قائلا 'حسبنا الله ونعم الوكيل في كل مسئول مش شايف شغله، بصراحة المستشفى زبالة'.
تابعوا آخر أهل مصر على Google News
