سادت حالة من الجدل بين طلاب الثانوية العامة النظام القديم، بعد أن أعلن الدكتور طارق شوقي، وزير التربية والتعليم والتعليم الفني، عن تفاصيل امتحانات الثانوية العامة والامتحانات التجريبية التي تعقد في شهر أبريل ومايو، ولم يوضح موقف الطلاب المؤجلين والراسبين.
حيث اشتكى بعض الطلاب والمؤجلين من الثانوية العامة النظام القديم من عدم حسم أمرهم إلى الآن بشأن الامتحانات التجريبية أو امتحانات النهائية وهل ستكون ورقية على النظام القديم أم إلكترونية على النظام الجديد على الرغم أنهم لم يتسلموا تابلت ولا التدريب عليه.
ورصدت أهل مصر بعض آراء الطلبة المؤجلين والراسبين من الثانوية العامة.
وفي هذا السياق قال الطالب أحمد محمد: "احنا من المفترض أننا نمتحن على النظام القديم ودا وفقا للتصريحات لما قررنا نأجل مواد، وأننا من سنة أولى على النظام القديم، لحد دلوقتى مش عارفين ندخل على أي منصة تعليمية زي حصص مصر وغيرها ولا عارفين ندخل على بنك المعرفة لأننا مالناش أكواد ندخل بيها والأصعب من كده مالناش امتحان تجريبي ولا مدربين ع الأسئلة المتحررة اللي بتيجي من خارج المنهج من سنة أولى".
وتسائل الطالب أحمد: "اأحنا ليه بيحصل فينا كدا ولا جابوا سيرتنا في أي تصريحات، أنا ادمرت نفسياً وبقيت عاوز أحول صناعي، أنا قربت أفقد بصري من الحالة اللي عندي".
بينما قال الطالب محمد محمود: نطالب بامتحان ورقي بالنظام القديم ونظام الأسئلة القديم لطلبة الثانوية العامة المقسمين والراسبين والمؤجلين.
وقالت ندى هاني: احنا ازاي لحد دلوقتي مش عارفين نمتحن ازاي وبأي وسيلة، فين التدريب اللي الوزير وعدنا، وهو قال في ظروف كورونا اللي أول مرة تحصل اللي عاير ينزل واللي مش عاير يمتحن ورقي ثم ده حقنا القانوني.
وتابعت ندى، مش كفاية علينا ضغط شكل الأسئلة اللي مش عارفين ولا حتى من غير امتحانات تجريبية كمان مش عارفين الوسيلة نمتحن ازاي بتابلت أول مرة نمسكه ندرب في كأم أسبوع وهما مدربين بقالهم تلات سنين أين تكافؤ الفرص.
وفي هذا السياق، علق مصدر مسئول بوزارة التربية والتعليم في تصريحات خاصة لـ "أهل مصر": إنه إلى الآن يتم دراسة أمر المؤجلين والراسبين وكيفية عقد امتحانات لهم يحقق تكافؤ الفرص والعدالة بينهم وبين طلاب النظام الجديد.
وكان أكد وزير التعليم، خلال منشور له عبر صفحته بموقع التواصل الاجتماعي، أنه فيما يخص الثانوية العامة، سوف تسمح بدخول التابلت لأن امتحاناتها إلكترونية ولكن في بيئة تكنولوجية تمنع الدخول على الإنترنت، مضيفا أنه لم نطبع كتب ورقية هذا العام وبالتالي لا يملك كل الطلاب هذه الكتب ولذلك هذا يتنافى مع تكافؤ الفرص في هذه الحالة.
وشدد شوقي، أنه سوف توفر الوزارة المعلومات المرتبطة بالامتحان في ورقة خاصة لكل الطلاب يتم إعدادها من المركز القومي للامتحانات وأرجو أن نثق في قدرتنا على هذا بما يتناسب مع أسئلة الامتحان علما بأن هذا يتم تطبيقه على كل الطلاب.
تابعوا آخر أهل مصر على Google News
