استغاث طلاب مصريين في اوكرانيا، من الحرب الدائرة حاليا بين روسيا واوكرانيا.
كتبت إحدي الطالبات التي تدرس في أوكرانيا وتدعي مروة محمود، عبر حسابها على موقع التواصل الاجتماعي 'فيس بوك' تستغيث وتطالب الرجوع إلي مصر لان الحرب قد تؤدي إلي موتها هي وزملائها، حيث طالبت بتفعيل هاشتاج بعنوان طلاب مصر في اوكرانيا.
قائلة: 'احنا الطلاب المصريين في أوكرانيا، الحرب ابتدت الضرب في كل حته محدش سامعنا ومحدش سائل فينا، ارجوكم وصلوا صوتنا احنا في رعب والله عاوزين نرجع بأمان لبلدنا ارجوكم اقبلوا البوست ملناش أمل بعد الله سبحانه وتعال إلا أنتم'.
وأضافة: 'احنا مش عارفين نعمل ايه، الفيديوهات دي من مدن اوكرانية مختلفة والقصف شغالو احنا بنفسنا سامعين صوت الانفجارات وفيديوهات لنزوح الأوكران نفسهم، نعمل ايه بالله عليكم اقفوا جنبنا اهالينا هيموتوا من الرعب علينا واحنا خايفين وملناش الا ربنا محدش في مصر بيتكلم عننا ولا السفارة بترد علينا ولا قالت نعمل ايه والوضع من سيء لأسوء ومحدش فاكرنا، لا إله إلا الله محمد رسول الله'.
وتابعة: 'ساعدونا نرجع مصر لأهالينا ونرجع للدراسة في مصر عشان مستقبلنا ميضيعش وبالذات طلاب آخر سنة ساعدوهم وأنا مش في آخر سنة بس فارق معاي اخواتي وزمايلي اللي أكبر مني وفارق معاي حياتهم وتعبهم وتعب أهاليهم بالله عليكم ما تسيبونا وخليكم جنبنا إحنا منكم وأنتم أهلنا متنسوش اخواتكم البنات والشباب في الظروف دي'.
وخاتمت: 'اكتبوا الهاشتاج دا عشان صوتنا يوصل للمسؤولين في مصر بالله عليكم ويرجعونا لبلدنا ولأهالينا احنا مرعوبين والله،#طلاب_مصر_في_اوكرانيا
وكان الرئيس الروسي فلاديمير بوتين، قد أعلن في ساعة مبكرة من صباح يوم الخميس، عن تنفيذ 'عملية عسكرية' في إقليم دونباس، شرق أوكرانيا، والذي يضم منطقتي لوهانسك ودونيتسك.
وجاء ذلك في خطاب متلفز للرئيس الروسي، في نفس الوقت الذي كان مجلس الأمن الدولي يطلب منه التوقف، صباح يوم الخميس.
تابعوا آخر أهل مصر على Google News
