حذر الدكتور رامي صلاح الدين استشاري التغذية العلاجية، من ربط التخسيس بأوزان معينة، موضحًا: 'من أخطاء الدايت الشائعة إن حد يطلب يخس 20 كجم في فترة معينة، مينفعش نطلب نخس رقم معين في وقت معين'.
وأضاف صلاح الدين خلال حواره ببرنامج صباح الخير يا مصر، على القناة الأولى والفضائية المصرية: 'عشان تحط لنفسك وقت ووزن معين حمل نفسي زائد لا ينعكس بالإيجاب، وقد تضطر إلى استخدام طرق غير سليمة لإنقاص الوزن'.
وتابع استشاري التغذية العلاجية: 'مفيش حاجه اسمها دكتور هيخسسك 10 كيلو في الشهر، الكلام ده علميا مش موجود .. طبيعة الجسم وظروف الحياة وموعد النوم والاستيقاظ وغيرها من العوامل تؤثر على الوزن'.
وأردف: 'لو هنتكلم عن الخسارة العشوائية للوزن ممكن نقطع النشويات أسبوع وهنخسر 3 كجم مياه، لكن الجسم هيكون اضر في حتة تانية، وبعض الأطباء يمنعون الحصول على الدهون تماما وده يقطع الدهون على المدى البعيد، وبالتالي في 4 فيتامينات يذوبون في الدهون هيكونوا باظوا'.
تابعوا آخر أهل مصر على Google News
