«الإفتاء» توضح احتساب مقدار الزكاة بالطريقة العامية

في لافتة ميسرة وبسيطة، أوضحت دار الإفتاء، اليوم الجمعة، احتساب مقدار زكاة الفطر، بالطريقة العامية على حد قولها.

وقالت «الإفتاء»، في منشور عبر موقع التواصل الاجتماعي «فيسبوك»، موضحة : «اعرف دار الإفتاء المصرية حسبت قيمة زكاة الفطر ازاي بطريقة سهلة وبسيطة وميسرة ولغة عامية أيضا سهلة وبسيطة».

وتابعت قائلة: «حسبناها على القمح اللى بيتعمل منه العيش اللى كل الناس في مصر بتاكله.. طيب سعر أردب القمح كام ٩٠٠ جنيه.. والأردب فيه ١٥٠ كيلو.. يبقى سعر الكيلو كام ٦ جني.. طيب والزكاة أد إيه صاع من قمح.. طيب الصاع يساوي كام كيلو طلع يساوي ٢.٠٤ كيلو.. يبقى نضرب ٢.٠٤ كيلو * ٦.. يطلع الناتج ١٢.٢٤ جنيه».

وتابعت في شرحها المبسط قائلة: «ودار الإفتاء قالت إنه ١٥ جنيه.. يعني كمان مزودين عن السعر بشويه بحيث اختلاف الأسعار في الأردب، و ١٥ جنيه الحد الأدنى يعني طلع أكتر من ١٥ جنيه لو معاك ودخلك يسمح لك».

وأضافت: «بس اللى مش هيقدر فأقل حاجه يطلعها عن الفرد ١٥ جنيه، وتخرج قبل صلاة العيد، ويجوز إخراجها من أول يوم في رمضان».