المتهم بقتل نيرة أشرف: مضوني وصل أمانة وقالولي انت مش أول راجل ينضحك عليه

كشف نص اعترافات المتهم بقتل الطالبة نيرة أشرف، أمام بوابة توشكي بجامعة المنصورة، عن المزيد من التفاصيل المثيرة، المتعلقة بكواليس الاستعداد للجريمة، وتوقيت عزمه عليها.

وأحالت النيابة العامة المتهم بقتل الطالبة نيرة أشرف، إلى الجنايات، التي تنظر أولى جلسات محاكمته يوم الأحد المقبل.

وتضمن نص اعترافات المتهم بقتل الطالبة نيرة أشرف، في القضية التي حملت رقم 11409 لسنة 2022، جنح أول المنصورة، إقرار المتهم بأنه اغتها بعدة طعنات ثم نحرها، وذلك لرغبته في الارتباط بها، ‏ورفضها ذلك، وهو ما دفعه لوضع مخطط لقتلها، وحدد موعد أدائها اختبارات نهاية العام الدراسي بجامعة المنصورة، لتنفيذ الجريمة.

نص اعترافات المتهم بقتل الطالبة نيرة أشرف

وقال المتهم في اعترافاته: 'انا كنت ببعت من حسابي لأهلها وكل معارفها اللي حصل بيني وبينها والرسايل اللي بيني وبينها وصورها، وهي قالتلي إنها عملت فيا محضر، ولقيت ضابط من القاهرة بدأ يهددني، إنه يقدر يئذيني، فلو اتعرضت لها ثاني، وأنا مكتنش راضي عن اللي هي عملته، وكنت مصمم آخد حقي منها، ومسكتش، وكنت بساومها يا إما ترجعلي وكل حاجه تخلص يا إما هقرفها'.

وأضاف المتهم: 'فضلت اعمل اللي باعمله لحد ما أهلها عرفوا يقعدوني في قعدة وخدوا التليفونات ومسحوا اللي عليها، ومضيت إيصال أمانة، وتعهد بعدم التعرض ليها، وهما كلموني وقالولي عايزين نخلص الموضوع اللي بينك وبين بنتنا، ولما روحت لقيت ناس كتير وكلهم عرفوا الموضوع وحكموا عليا، إن أنا أمسح الصور والمحادثات اللي معايا على تليفوني، ومضوني على الإيصال، وتعهد بعدم التعرض لها، بس كان كلامهم شديد معايا، ومحدش كان مقدر اللي أنا عملته مع نيرة، وكان ردهم بيستفزني، وقالولي إنت مش أول راجل ينضحك عليه'.

تابع: 'أنا كنت ساكت، لكن كان في دماغي إني آخد حقي منها، وأول لما حد قالي إنها بتتكلم عليا، كنت مستني إني أرد كرامتي، وكلمتها على الواتس والفون، وكنت بقولها عيب اللي بتعمليه دا، أنا صرفت عليكي دم قلبي، عشان ممكن تقدر دا، فكانت بترد باستهزاء، وأنا كنت بتضايق من اللي هي بتعمله'.