المشرف العام على التحرير داليا عماد

المتهم بقتل نيرة أشرف: قولتلها عيب اللي بتعمليه معايا بعد ماصرفت عليكي دم قلبي

أهل مصر
محمد عادل المتهم بقتل نيرة أشرف
محمد عادل المتهم بقتل نيرة أشرف

كشف نص اعترافات المتهم بقتل الطالبة نيرة أشرف، أمام بوابة توشكي بجامعة المنصورة، عن المزيد من التفاصيل المثيرة، المتعلقة بكواليس الاستعداد للجريمة، وتوقيت عزمه عليها.

وأحالت النيابة العامة المتهم بقتل الطالبة نيرة أشرف، إلى الجنايات، التي تنظر أولى جلسات محاكمته يوم الأحد المقبل.

وتضمن نص اعترافات المتهم بقتل الطالبة نيرة أشرف قوله، إنه عقد العزم على قتلها، انتقاما منها لرفضها الارتباط به، وإخفاق محاولاته المتعددة لإقناعها بقبوله.

وأضاف: "قولتها عيب اللي بتعمليه أنا صرفت عليكي دم قلبي، لكن كانت بترد باستهزاء، وكنت بتضايق من اللي هي بتعمله، فكنت بابعت من حسابي لأهلها وكل معارفها باللي حصل بيني وبينها، وبالرسايل اللي بينا وصورها، وهي قالتلي إنها عملت فيا محضر، ولقيت ضابط من القاهرة بدأ يهددني إنه يقدر يئذيني لو اتعرضت لها تاني، وأنا كنت مصمم آخد حقي منها، ومسكتش وكنت بساومها يا إما ترجعلي وكل حاجة تخلص يا إما هقرفها". وأضاف المتهم: "فضلت اعمل اللي باعمله لحد ما أهلها عرفوا يقعدوني في قعدة وخدوا التليفونات ومسحوا اللي عليها، ومضيت إيصال أمانة، وتعهد بعدم التعرض ليها، وهما كلموني وقالولي عايزين نخلص الموضوع اللي بينك وبين بنتنا، ولما روحت لقيت ناس كتير وكلهم عرفوا الموضوع وحكموا عليا، إن أنا أمسح الصور والمحادثات اللي معايا على تليفوني، ومضوني على الإيصال، وتعهد بعدم التعرض لها، بس كان كلامهم شديد معايا، ومحدش كان مقدر اللي أنا عملته مع نيرة، وكان ردهم بيستفزني، وقالولي إنت مش أول راجل ينضحك عليه".