وجه رواد السوشيال ميديا تحذير عاجل لكل أولياء الأمور بجميع المدارس بعد تداول فيديوهات وصور تفيد بأداء الطلاب ف المدارس لألعاب خطيرة قد تودي بحياتهم وبعدم ترك الأمر على عاتق المدرسة ووزارة التربية والتعليم.
وجاء في منشور متداول على مواقع التواصل الاجتماعي طالب في مدرسة دولية بيلعب مع صحابه في المدرسة لعبة منتشرة على تطبيق 'تيك توك'، 'بيرموه لفوق في الهوا ويبعدوا ويسيبوه يقع على الأرض علشان يشوفوا قوة التحمل وللأسف وقع على دماغه حصل له أعراض خطيرة في النخاع الشوكي وكسور في الفقرات العنقية.. الولد في المستشفى بين الحياة والموت حاليًا'.
'و طالبة في مدرسة بتلعب مع زمايلها لعبة تانية (من الزفت اليتك توك)، ومن أحكامها قطع الشرايين، لحقوها بالعافية قبل ما تنفذ العقوبة في نفسها.'
وقال كاتب المنشور 'أرجوكم خدوا بالكم من ولادكم.. شوفوا بيتفرجوا على إيه.. بيلعبوا إيه.. اتكلموا مع ولادكم.. صاحبوا ولادكم.. حذروا ولادكم.. بلاش تعيشوا في دنيا وهما في دنيا.. متقوليش فين الوزارة والمدرسة والإشراف والأمن، قولي انت عملت إيه علشان ابنك ميكونش ضحية لألعاب مميتة وعملت إيه علشان تحمي ابنك من الضياع وغيبوبة التكنولوجيا.. كلنا عايشين لوالدنا وعلشان ولادنا، أرجوكم خدوا الكلام على محمل الجد قبل فوات الأوان.' رد منصة تيك توك بشأن التحدي
من جانبه نفى المتحدث بإسم منصة «تيك توك» المتخصصة في المحتوى التفاعلي حقيقة انتشار تحدي تلك اللعبة على المنصة مؤكدا إن سلامة وأمن مجتمعنا هي أولويتنا القصوى.
وتابع أن التحديات الخطيرة محظورة تمامًا من على تيك توك، وإذا صادف وجودها يتم إزالتها على الفور.
وقال أننا نوفر دليل مركز السلامة الخاص بنا والمصمم من قبل خبراء لمساعدة المستخدمين على تقدير المخاطر المتعلقة بالتحديات على الإنترنت واتخاذ خيارات آمنة
تابعوا آخر أهل مصر على Google News
