شقيق معاذ ضحية الدهس بالمهندسين: "عايز حق أخويا والمستشفى رفضت إجراء العملية"

كشف شقيق الشاب 'معاذ حسن'، تفاصيل جديدة عن واقعة شاب دهس شقيقة وحفيد الفنانة شريفة فاضل في المهندسين، مما أسفر عن إصابته بكسور في الجمجمة ونزيف في المخ.

وقال شقيق معاذ، في لقاء مع مراسلة جريدة وموقع 'أهل مصر'، اليوم السبت، إن بعد الفشل في إجراء عملية جراحية لشقيقي في مستشفى إمبابة للموظفين، توجهنا لمستشفى اخرى في شارع سوريا، لكن المستشفى ردت بصعوبة إجراء العملية الجراحية.

رفض المستشفى إجراء عملية جراحية

وأردف: 'المستشفى قالت مش هينفع نعمل ليه عملية جراحية احنا هنستخدم العلاجات عشان جسمه يقدر يستوعبها لأنه لو دخل عمليات هيتشوه بسبب كثرة الإصابات في جسمه'.

وأضاف: 'أنا ذكرت كل حاجة عن المتهم في المحضر وقابلت بوكيل النيابة وحكيت ليه عن الواقعة وقالي هكلمك'، متابعًا: 'أنا بطالب بحق معاذ ومش عارف ليه الشرطة ممسكتش الولد وازاي هرب مرتين، مرة بعد ما خبط أخويا ومرة هرب بعد ما وصلنا المستشفى، بيقولو لي هو محبوس لكن انا عرفت انه هربان والقسم ميعرفش عنه حاجة'