كشف شقيقة الشاب 'معاذ حسن'، تفاصيل واقعة شاب دهس شقيق وحفيد الفنانة شريفة فاضل في المهندسين، ما أسفر عن إصابته بكسور في الجمجمة ونزيف في المخ وقطع في الكبد وتجمع دموي داخل المعدة والحوض وفقدان السمع وتلف أعصاب الإبصار.
وقال شقيق معاذ، في لقاء مع مراسلة جريدة وموقع 'أهل مصر'، اليوم السبت، إن والدته تلقت اتصالا هاتفيًا من أحد الأشخاص الذي استخدم هاتف 'معاذ'و أخبرها بالحادثة التي وقعت في منطقة جامعة الدول العربية.
وأضاف، قائلًا: 'جاء لتليفون لوالدتي واحد قالها الحقي ابنك بيموت، كلنا توجهنا لمكان الواقعة واتضح من البداية إن معاذ كان خارج من شغله عادي واقف جنب الرصيف مستني يركب ميكروباص، واتفاجئ بواحد سايق العربية بسرعة لا تقل عن 140 كيلو متر، راح مطير معاذ'.
وأكمل: 'اللي كان سايق العربية شاب صغير عنده 19 سنة سايق عربية نيسان صني سوداء، وكاميرات البنك الأهلي صورت الواقعة، حتى في بنت كانت واقفه قالت للواد اللي بيسوق العربية أجري أجري دا الواد مات وهو منزلش يبص على اخويا كمل جري العربية'.
هروب سائق السيارة
وتابع: 'من قوة الخبطة العربية حصلت فيها كسور كتيرة، وسواق تاكسي وميني باص وشباب معاهم موتوسيكلات قدروا يوقفوا الولد وطلع عيل قاصر معهوش رخصة عربية والعربية مش بتاعته'، مرادفًا: 'وصلنا مكان الواقعة لقينا الإسعاف بيشيل معاذ من الأرض، سألت عن اللي خبطته لقيت الولد أسمه أحمد ركب معايا عربية الإسعاف وبيقولي أنا أحمد مسعد صاحب العربية وانا تحت امرك، أخذت بطاقته صورتها وروحت مستشفى إمبابة للموظفين'.
وأكمل: 'المستشفى أخبرتني أن لازم تدخل جراحي وإجراء عملية جراحية لمعاذ لكن مفيش دكتور جراحة مخ وأعصاب'، متابعًا: 'الولد اللي خبط اخويا كان واقف مع أمين الشرطة وبعدين لقيته مشي ومعرفش راح فين وامين الشرطة سمح أنه يمشي ليه'.
تابعوا آخر أهل مصر على Google News
