شاب يشوه وجه وجسد فتاة لرفض والدها ارتباطهما.. والشرطة "تفحص" الواقعة

تفحص أجهزة الأمن، منشورا متداولا لتشويه وجه وجسد فتاة على يد شاب لرقض والدها الارتباط بها.

ويقوم رجال المباحث بفحص المنشور المتداول للوقوف على ملابساته ومكان الواقعة.

وتداول نشطاء مواقع التواصل الإجتماعى منشورا مدعوما بالصور والفيديوهات لفتاة اسمها فاطمة 'شرحت فيها تفاصيل تعرضها لتعدى بمطواة علي يد شاب كانت علي علاقة عاطفية به.

وقالت الفتاة في منشورها: 'أنا امبارح أصعب يوم مر عليا كنت مرتبطة بواحد وانفصلنا من شهر وكان بيحاول يرجعني واتكلم مع والدى في التليفون أنه يكون في حاجة رسمي وبابايا رفضو علشان شايفة مش مناسب ليا وأنه أنا لسه صغيرة، وبعدها كلمني وشدينا في التليفون وشتمني أنا وأهلي بأوسخ الألفاظ وقفلنا'.

مش عاوزة غير حقي

وأضافت: 'نزلت اتسحر مع أصحابي وكنت مروحة أنا وصحبتي وزنق علينا بالعربية ونزل فتح الباب راح مطلع مطوة من جيبه وغرزها في دماغي ومسكتش وقام غرزها فى رجلي وأغمي عليا وودوني علي المستشفي وخيطت 24 غرزة، وعملت محضر وهو هربان لحد دلوقتي، أنا مش عاوزة غير حقي وخلو بالكم ياجماعة من نفسكوا'.