أعلنت الإعلامية لميس الحديدي، انتهاء حلقات برنامجها 'كلمة أخيرة'، المذاع على فضائية ' ON'، حيث قالت خلال تقديمها البرنامج: 'إن حلقة اليوم هي آخر حلقات الموسم الحالي، النهارده مش نهاية الأسبوع فقط ولكنها حلقة نهاية الموسم لأنه حان وقت الإجازة، وهي الإجازة السنوية لنا في شهر أغسطس من كل عام'.
وعلقت 'الحديدي' على الصورة المتداولة لها ولزوجها الإعلامي عمرو أديب وهما في الطائرة ويرتديان ملابس شتوية، قائلة: 'عايزة أقولهم أنا مش رايحة النصف الجنوبي من الكرة الأرضية وهذا وقت الإجازة'.
وتابعت: 'كل سنة وانتوا طيبين الشهر الجاي كله سنعرض لكم حلقات معادة من موسم هذا العام'
وكان قد أعلن الإعلامي عمرو أديب، توقف برنامجه “الحكاية” المذاع علي قناة “mbc مصر”، بدءًا من 1 أغسطس المقبل ولمدة شهر.
ولفت عمرو أديب:'بقالي 25 سنة شغال في الإعلام وأي محطة بشتغل فيها بحط بند في العقد إني أخد إجازة في السنة 1 أغسطس وده شرط في العقد'.
وتابع:'أنا السنة دي زي الـ25 سنة اللي فاتت هطلع إجازة علشان محدش يقول من الجماعة اللي أنتوا عارفينهم عمرو أديب هرب ومش عارف ايه، لو ليا عمر هرجع لحضراتكم تاني، ولو فيه أي حاجة هقطع الإجازة وارجع تاني'.
وأكمل: 'مش هرجع للشاشة إلا إذا بلدي مش عايزاني أو المحطة مش عايزاني وقتها خلاص هروح البحر بقى بس، انما لحد دلوقتي البلد شايفاني مقبول والقناة شايفاني كويس'.
تابعوا آخر أهل مصر على Google News
